Cfc Household Prayer Meeting Guide 332w36

Household Prayer Meeting Guide/Format Brothers and Sisters atong ibutang ang atong kaugalingon diha sa presencia sa Ginoo, ug sa makadiyot, atong ihikling ang atong mga problema, kabalaka ug kahingawa, ug atong ihiusa ang atong mga hunahuna sa kaayo ug gugma sa Ginoo kanato. Sa ngalan sa Amahan, Sa Anak....... Lord God, imo kining kabubut-on, nga magkatigum kami karon dinhi sa panimalay ni Brod.______ug Sis______alang sa among sinemanang prayer meeting, ug usab aron kami makadayeg ug makapasalamat kanimo Lord sa mga grasya nga among nadawat ning nangaging mga adlaw. Hinaut pa unta Ginoo nga imo kining ikahimout ang among panagtigum karon ug lamdagan mo kami sa imong balaang Espiritu. Kining tanan langitnong Amahan, among gipangayo ug gipasalamatan pinaagi sa imong bugtong Anak nga si Hesus among manunubos. Ug agig pasalamat ug pasidungog sa pag-uban nimo kanamo Ginoo, ania kining among kinasingkasing nga halad nga mga awit. (3 songs, After every song.......simultaneous praising.....)

Prayer of Thanks Giving Yes Lord, Nagadayeg ug nagapasalamat kami kanimo ning mga orasa, higayon nga imong gihatag kanamo karon aron pagbalaan sa imong ngalan. Salamat usab Ginoo, sa imong paghatag kanamo kang Hesus imong bugtong anak, kinsa naghatag usab sa iyang kinabuhi alang sa among kaluwasan. Salamat usab sa Espiritu Santo, nga maoy nag-giya ug nagtultol kanamo sa espirituhanong dalan paduong sa imong himaya. Salamat usab kaayo Lord God, sa pagpasinati kanamo sa imong gugma pinaagi niining community sa Couples for Christ aron kami makasilbi ug makaalagad kanimo, ug ingon man sa among mga kaigsoonan, And for this we say "WE PRAISE AND THANK YOU LORD", After which...(Individual praising and thanksgiving).

Prayers and Petitions Lord God, kay gipamulong mo man, "pagtoktok ug ablihan kamo, pangita ug makakaplag kamo, pangayo ug makadawat kamo", busa ania kami karon Ginoo,aron ipadangat ang among mga pangayo ug mga panginahanglan, uban sa madasigong pagtoo nga kanunay ikaw maminaw kanamo. As we all ask and pray "LORD HEAR OUR PRAYER". Individual petitions...

Langitnong Amahan, sa kadaghan sa among mga panginahanglan, tingali wala namo malitok ang uban, apan nasayod kami Ginoo, nga ikaw nahibalo niining tanan sanglit wala gayoy malilong kanimo kay usa ka man ka gamhanan nga Diyos. And we all ask and pray "LORD HEAR OUR PRAYER" Karon mag-ampo kita sa pangadye-on nga gitudlo sa atong Ginoo. "AMAHAN NAMO...","MAGHIMAYA KA MARIA....","HIMAYA SA AMAHAN..." 1. Reading of the Holy Scriptures and sharing the Word of GOD. 2. Announcement and Concerns. 3. Fellowship

Prayer before Meal Sa ngalan sa Amahan, Sa Anak....... Lord, bindisyuni ug panalangini kining pagkaon nga ania karon sa among atubangan. Ug bindisyuni usab Lord ang mga tawo nga preparar ning pagkaon karon, Ug ning panimalay nga diin kami karon nagkatigum, ug ibalik sa ilaha ang grasya, ug pilo-piloa sa makadaghan. And as we say "BLESS US O LORD ON THIS THY GIFT WHICH ARE ABOUT TO RECIEVE FROM THY BOUNTY THROUGH CHRIST OUR LORD AMEN"

Closing Prayer Lord God, imong giingon, diin duha o tulo sa imong mga anak magkapundok sa imong ngalan anaa ikaw sa taliwala kanila. Busa nagpasalamat kami Ginoo sapag-pauban nimo kanamo sa imong Balaang Espiritu ug sa pagpabati mo kanamo sa imong Balaang Pulong, aron kini maoy mahimong gabayan sa among espirituhanong pagpuyo ning kinabuhia. Ug sa makausa pa Ginoo, among pangayoon kanimo, nga ihatag mo unta dinhi ni-ining panimalay nila ni Brod. ______ug Sis._____, Ang kalipay, panaghiusa ug pagsinabtanay. Bindisyuni ug panalangini usab ang mga mahal nila sa kinabuhi ug usab ang mga paninguha ug mga paningkamot nga maoy gikuhaan nila sa inadlaw nilang panginabuhian. Ug sa amo karong pagpamauli Lord, giyahi kami padulong sa matarong nga dalan ug ilikay kami sa mga kadautan, send us home safe and sound Lord God. Kining tanan Langitnong Amahan among gipangayo ug gipasalamatan pinaagi sa imong bugtong anak nga si Hesus, nga among Ginoo ug Manunubos "HIMAYA SA AMAHAN UG SA ANAK UG SA ESPIRITU SANTO.......AMEN".