Himnos Quechua 2t226o

INIQ T`AQAPAQ AKLLASQA TAKIKUNA

¿Maytan rishanki Rumi sonqo churi Qonqariwaspayki Qonqay sonqo churi? Hina rispaqa Wañuymanmi rinki Huchallaykiwanqa Infiernopin kanki. Qhawarimuway, Kaypin kashallani Kutirikamuway Qespiqniykin kani.

Iñiwaspayki Sonqoykita qoway Qoykullawaspayki Ñannillayta qhaway. Qowaqtiykiqa Kallpanchallasqaykin Mañawaqtiykiqa Ch’uyayachisqaykin. Kutimuspaymi Hoqarikusqayki Wiñay-wiñaypaqmi Kawsachikusqayki.

1

Ancha sumaq Jesusniyllayqa Usqhaytañan kutimullanqa Inti killan hamullaqtinqa Cielomanta urmaykamunqa ¿Ima ninki, runamasillay Kay pachapi qhepaykuspayki? ¿Ima ninkin, puriqmasillay Jesús mana pusasuqtiyki? Señornillay kutimuqtinqa Orqokunan thunikamunqa Qaqakunan ch’eqtarikunqa Llapa sach’an kumparikunqa. Señornillay kutimuqtinqa Ch’askakunan t’akakamunqa Rumikunan takanakunqa Hallp’akunan kicharikunqa. Jesusnillay kutimuqtinqa Tukuy runan waqaykullanqa Llapallanmi ayqekullanqa Qaqatapas pakaway, ninqa. Uyarikuy runamasillay Iñikullay chaskiykusunkin Jesusniyqa qespichiqnillay Kaymantaqa qespichisunkin.

2

¿Munankichu huchakuna venceyta? Jesucristowanqa vencenkin ¿Atiwaqchu viciokuna millayta? Qespichisqañaqa millankin. Jesucriston wañurqan Rantiykipipuni Paypi iñiqtiykiqa Qespichillasunkin ¿Huchallaykiq watasqanchu kashanki? Paskasunki kikin Jesusllan ¿Llakillaykiq ñit’isqanchu kashanki? Paskasunki kikin Jesusllan. ¿Rumirayaq sonqoyoqchu kashanki? Llamp’uyachisunkin Jesusqa ¿Kay pachapi urmaqllachu kashanki? Sayarichisunkin Jesusqa. ¿Llumpaq millay huchayoqchu kashanki? Pampachanqan sumaq Jesusqa Yawarnillanwanmi maylliykusunki Sumaq-sumaq sonqo Jesusqa.

3

¿Hayk’aqkaman huchapi kawsanki Dios Yayata qonqarqospayki? ¿Hayk’aqkaman Jesusta neganki Sonqoykita wisq’aykuspayki?

Wayqellay panallay Qhawariykuy p’ampakuqta P’unchay p’unchay wañuqta Hamushanmi wañuyniyki Diosman cuenta qonayki Qhawarikuy wawqellay. ¿Hayk’aqkaman ukyaypi kallanki Aychaykita kusichispayki? ¿Kaypi chaypi manulla purinki. Wasiykita qonqarqospayki? ¿Hinallachu sonqoyki kallanqa Rumi hina mana llamp’uyaq ¿Hinallachu ñawiyki ayphanqa Infiernoman ripunaykipaq? ¿Hayk’aqkaman Jesusta qonqanki Supayllapaq takipuspayki Hatun-hatun khuyakuq Diosllata Yanqa kaqwan pantaykuspayki?

4

Qespichiqniymi pusakushawan Lliwpi yanapawaspa Tuta p’unchaypas kay sonqollaypin Hamuy, yanapasunkin. Mañapushaykin qanpaq Sonqoymantan mañapushayki, Weqeywanmi mañapushayki, Mañapushaykin qanpaq. Sumaq Yayaymi khuyakuwaspa Glorianpiqa ruwashan Churawananpaq huk coronata Sumaq k’ancharishaqta. Kapushawanmi p’achakunaypaq Yuraq p’acha ñoqapaq Ñawpaqeykipi qanwan kuskaña Churakuyta munani Qespikuspayki sumaq p’unchayqa Kusikuymi kawanqa Ch’uyakunapas kusiykukunqan Lliw angelpas takinqan.

5

Kay pachapi paytukuqqa Manan wiñaypaqchu Huchallapi purikuqqa Manan kawsanqachu Runamasin waqachiqqa Kawsanankamallan P’unchay-p’unchay kusikuqqa Wañunankamallan

Rawraq nina qochamanmi Huchayoqta wiqch’unqa Mana iñiq kaqqa lliwmi Wiñaypaqña ruphanqa. ¿Qolqellayki karqoqtinchu Diosta qonqarinki? ¿Yachaysapa tukuspachu Kayta ruwashanki? Qolqetapas qoykusparaq “Kaymi Diosniy”, nispa Mana uyariqman ninki “Qespichiway”, nispa.

Huchallapi purishaspan “Huchachuqa” ninki Qespikuqta rikushaspan “Yanqan chayqa”, ninki ¿Sonqoykichu rumiyarqon Mana yachananpaq? ¿Ñawiykichu tutayarqon Mana rikunanpaq?

6

Runakuna huchallapi Kawsaqtinmi Diosnintapas kay pachapi Qonqaqtinmi Anchallatapuni phiñakuspa Diosnillanchis kay pachapi Llapan kawsaqtapas parallanwan P’uchukachinanpaq nirqan. Noé Diosman sonqo kaqta Rikuspanmi Ruwachiqan huk arcata Familiantin Haykuspanku qespikunankupaq Arcamantaq churachirqan Iskay-iskay animalkunata. Mana llapan wañunanpaq. Para chayaykamuqtinmi Runakuna Unuq qocharparisqanwan Lliw wañurqan Noeñataq qanchis familiantin Diospa khuyakusqan kaspa Arcallaman haykuykuspallanku Llapan qespikullarqanku. Chay hinatan kay pachata Dios tukunqa Ninawanña huchanmanta Kanaykunqa Tukuy sonqon Diosman qoqñataqmi Arcallapi Noé hina Jesusllapi iñiq kallaspanku Ninamanta qespikunqa.

7

Egiptomanta horqokamusqan Wawankunan rimarqan Diosninkumanta khaynatapuni: ¿Imapaqmi ch’inneqman Pusamuwarqankiku yarqasqa Unumanta kaspayku Ñak’ariykuspa purillaspayku Kaypi wañunaykupaq? Chaymi Señorqa phiñarikuspan Mach’aqwayta qomurqan Rawrashaqtaraq rikhurichispa Lliwta pikachillarqan Huknin hukninraq wañuraqtinmi Sinchi khuyay llakisqa Huchankutapas reqsikuspanku Diosta waqyakurqanku.

Diospa nisqanmi Moisés ruwarqan Mach’aqwaypa ayrinta Sayaq k’aspipin churaykullarqan Sumaq lliphipishaqta Tukuy sonqowan iñispallanku Diospa qosqan qhawaqmi Wañunayaykushasqakumanta Usqhay qhaliyarqanku Chhaynan kunanpas llumpaq huchawan Runakuna kashanku Wañuy pachapi ñak’arishanku Diosñataqmi llapallan Iñiqkunapaq sapan Churinta Cruzpi hoqarichirqan Tukuy sonqowan qhawarispankun Qespiqaña karqanku.

8

Nicodemo sutiyoq señormi Watukurqan tutalla Jesusta Runatataq sinchita manchaspan Sumaqllata punkuta takarqan Haykuspanmi niykurqan khaynata: “Yachashaykun qanpuni Diosmanta Yachachikuq hamullasqaykita Milagrota sumaqta ruwaspa”. Jesusñataq reqsispa niykurqan: “Qantan niyki: cheqaqta cheqaqta Mosoqmanta nacespankupunin Runakuna haykunqa cieloman”. Nicodemon Jesusta tapurqan: “¿Imaynataq huk yuyaq runaqa Nacemunman kaq mamanmantachu?” Chaymi Jesús nillarqan khaynata: “Aychamanta naceqqa aychallan Espiritu kaqmanta naceqqa Espiritu runañan, chhaynaqa Ama utirayaychu kaymanta Kay hinata kunanpas nisunki: Kikin Jesuspipuni iñispa Huchaykita payllawan willaspa Mosoqmanta qan nacenaykipaq

9

Cruzpin Qespichiqllay wañurqan Kawsayninta qorqan Ñoqaraykun k’irichikurqan Sumaq Jesusniyqa. Hamuy Qespichiqllayman Hamuy Khuyakuqllayman Pampachaqniy Jesusman Kawsay qowaqnillayman.

Wañuspanmi pampachaykuwan Chanin yawarninwan Sonqoytapas ch’uyayachiwan Maytan kusichiwan Jesuspunin qespisunkichis Munaq hamullaychis Payllapunin waqyasunkichis Usqhaykamullaychis.

11

Jesucristoman hamuy kunan Ñoqaykuwanmi kaypi kashan Waqyashasunkin munakuspa Hamuy, haykumuy

10

Diospa k’anchaq wasinpin kanqa Sumaqllaña kuskalla kawsay Qanpas, paypas, ñoqapas kuskan Kusikusunchis. Yuyay, Paypunin qespichiqqa Llakiq sonqopas samachiqqa Allin kawsayta munaspaqa Qan haykuykamuy. Hamuy, uyariy simillanta Kichariykullay sonqoykita Chaskiy wiñaypaq kasukuyta Asuykakamuy.

Llakisqa sonqoyoq chimpamuy Uyariy Diospa nisqanta Lliw huchaq ñit’isqan hamukuy Yachankin Diospa siminta. Hamukuy, hamukuy Samarichisunkin qanta Hamukuy, hamukuy Kawsarichisunkin Jesuswan. Ninapaq nisqañan kashanki Huchapi kasqaykirayku Diosmanta karupi kashanki Supaywan kasqaykirayku Jesuspa hich’asqan yawarmi Mayllinqa sonqollaykita Wañuspa p’ampasqa kasqanmi P’ampanqa huchallaykita. Iñispa Jesusman chimpaykuy Manaña manchapakuspa Huchantin Jesusman asuykuy Cruzninta qhawariykuspa.

12

Santo Espiritun maskhasan Kay pachapi runakunata Llapan huchasapata Wiñay kawsay qonanpaq Diosmi sonqonmanta munaspa Kachamurqan sapan Churinta Munakusqan Jesusta Cruzpi wañunallanpaq. Uyariychis, uyariychis Huchayki pampachaytan munan Chaskikuychis, chaskikuychis Jesusta sonqoykipi. Santo Espiritun horqoshan Infiernoman rinankumanta Millay huchankumanta Cielomanña rinanpaq Jesús sapallanmi ñan kashan Payllan wiñay kawsay qokuqpas Munakuspa pusaqpas Diosman chayanaykipaq. Santo Espiritun ruegashan Llapan iskayrayaqkunata Sonqonkuta qonanpaq Huklla chaskiykunanpaq Ama manchakuychu runata Satanaspa kachankunata Lliwpas siminkamallan Ama manchakuyñachu.

13

Jesusllay, kay millay-millay Qhelli sonqo huchasapapaq Qhapaq ch’uya yawarllaykita Ch’aqchuykuspan nishawachis: ´´Hamuy, hamuy`` wawalláy. Ima kaqmi qayllamuyki, Sonqollayta chaskiykukuy, Sumaq-sumaq Jesuslláy. Almallaymi yanayasqa, Huchallaywan tutayaykusqa, Ch’aqchuykuway yawarllaykiwan, Cheqaq-cheqaq mayllikuqwan, Munaykukuq Jesusllay, Sonqollaymi chiriyasqa Llakikuywan iskayrayaywan, Manchakuywan rumirayaywan, Sansariykachipullaway Atiyniyoq Señorlláy. Hina wakchan, ñawsan, qellan Tarillasaq qanpi tukuyta, Qhapapyayta, yachaykunata, Qhaliyayta alliyayta, Kawsaytapas Jesuslláy. Almay cuerpon iñimuyki, Chaskiykuway, pampachaykuway Maylliykuway, ch’uyayachiway Hampiykuway kallpachaway, Munaykukuq Señorlláy.

14

Khuyapayaykukullaway, Diosnillay Sinchi khuyapayakuynikiman hina, Tukuy mana kasukuyniykunatapas Pichaykukullaway. Aswan-aswan maylliykuway, Yayallay Mana allin ruwallasqaykunamanta, Llapa millay yana huchaykunatapas Ch’uyayaykuchiway.

Huchallaytan reqsikuni, Ruwaqllay, Huchallayqa yuyayllaypipunin kashan, Qanllatataq huchallaywan phiñachiyki, Pampachaykullaway. Huchallaypin nacerqani, Señorllay, Hina huchallaypitaqmi mamallaypas Ñoqallayta wiqsalliykukullawarqan, Ch’uyayaykuchiway. Hisopowan ch’uyanchaway, Diosnillay Hinaqtinmi ch’uyay-ch’uyayllaña kasaq, Rit’imanta astawanmi yuraqyasaq, Yuraqyaykuchiway. Uyaykita pakaykullay, Yayallay, Tukuy niraq hucha ruwallasqaymanta, Ch’uya sonqotaña ruwaykukullaway, Mosoqyaykuchiway. Sumaq qayllaykimantaqa, Señorllay, Ama mayllamanpas wiqch’uykullawaychu, Espirituykitaq takyachillawachun, Kisiykuchillaway.

57

P’unchay-p’unchaymi Señor Jesusllay Purishallani waqay-waqaylla Chaskiykullaway sumaq Maskhaqllay 15 Marq’ayniykipi manchay khuyaqllay. Qanllan kasqanki Qespichiqnillay Huchallaykuna pampachaykuqniy Sonqollaymanyta Señor Jesusllay Chaskikullayki wiñay-wiñaypaq. Ima sumaqmi allin Señorllay Simillaykiqa chiri sonqoypaq Uyariykuqtiy yachachiqnillay Haykuykullawan kawsarinaypaq. Qoykullawayña khuyakuqnillay Kallpallaykita sayarinaypaq Kikillaykitaq Jesucristollay Waqaychakuway hanaq pachapaq

Ñoqallaymi kallarqani Llumpaq-llumpaq huchasapa Llapallantan qhawarqani Ñawillaywan cheqnikuspa Qespichiwankin Jesusnillay Wañuymantapas kawsachiwaspa Waqaymantapas khuyaqnillay Huchaykunata pampachawaspa. Huchallaypin purirqani Llakiy-llakiy ñankunapi Kay hinallan kawsarqani P’unchay-p’unchay muchuyllapi Sonqollaymi “ch’allaq” nirqan P’ampakuqta qhawariqtiy Almallaypas chiriyarqan Wañuymanta yuyariqtiy Tuta p’unchay waqaspaymi Señorniyta maskharqani Simillanta chaskispaymi Jesusllayta tarirqani.

16

Tutayaqpi purishaqtan Jesús k’anchawarqan Hucha ñit’iykushawaqtin Samachikuwarqan.

17

Tukuy sonqon kusikushani Qespichisqan takiykushani Jesús reqsisqaymanta Paypi iñisqaymanta Munakuyninwanmi sonqochakuni. Ñanniytapas sonqoytapas Jesuspunin k’anchan, Wañunaypaq almaytapas Payllan kawsachiwan Dioswan kaypi purispaymi K’anchaypiña kani Huchatapas millaspaymi Samaypiña kani. Usqhay Payta rikumusaq K’anchaq wasillanpi Wiñaypaqñan kawsamusaq Diosniywan glorianpi.

Cruzpin Jesús wañupuwarqan, Mana wañunallaypaq, Wañuspanmi niwarqan: ´´Qanpaqpunin wañupullayki”. Jesusniymi kawsaripuwan, Wañuytapas vencespa Wiñay kawsakunaypaq, “Kawsay ñoqallawan”, niwaspa. Señorniymi wicharipuwan Diosman kutipullaspan, Ñoqaraykun ripullan Yayaymanta mañapuwaqniy. Jesusnillay kutimuqtinmi, Paywan tinkumullasaq “Haku” nimuwaqtinmi, Glorianmanña phawaripusaq. Sonqollaypas kusikuymanta Llimp’arisqan ripusaq, Mana iñiqkunata Saqespaymi chinkaripusaq.

18

Llapan qelqamanta aswan allinqa Bibliallan. Qhawaqtiymi rimapayawan Jesusniytan yuyarichiwan. Llapa qelqamanta aswan allinqa Bibliallan. Khuyaqniymantapas aswan allinqa Jesusllan, Mañakuqtiy uyarillawan Kawsayniypi yanapallawan Khuyaqniymantapas aswan allinqa Jesusllan. Ruwaykunamanata aswan allinqa Iñiyllan, Jesusllaypi iñillaqtiyqa Wiñaypaqmi waqaychawanqa, Ruwaykunamanta aswan allinqa Iñiyllan.

19

Yuyaychis huk sumaq llaqtapi Jesuswan kuskalla kawsayta Chaymanmi wiñaypaq ripunqa Llapallan Jesuspi iñiqqa. Gloriapi, gloriapi Manaña wañuyqa kasqanpi, Gloriapi, gloriapi, Jesuswan wiñaypaq kawsayta. Yuyaychis gloriaman chayayta, Chayllapi sonqowan takiyta Lliw angelkunaqpas kasqanpi Kusisqa Jesuspa qayllanpi. Yuyaychis k’anchaypi tiyayta, Jesuspa k’anchasqan puriyta, Qoriwan lliph-nisaq llaqtapi, Sumaqña ch’ak-nishaq wasipi. Yuyaychis sumaqña gloriapi, Manaña llakiypa kasqanpi, Waqaypas muchuypas wiñaypaq Kusiyman lliw t’ikrakusqanpi.

20

Ripukushanin hanaq pachata Wiñay-wiñaypaq Jesuswan kawsamuq Jesusnillaymi kicharipuwan Ñannillaytapas cruzninpi wañuspa. Ripukushanin hanaq pachata Wiñay-wiñaypaq Jesuswan kawsamuq. Manan wañuyta tarisaqñachu Waqay, llakiypas, nanaypas kanqachu Wiñay-wiñaypaq kusikuyllatan Almay tarinqa khuyaqniy Jesuspi. K’anchay llaqtaman haykuykuspaymi Lliphipishaqpi ñoqallay kamusaq, Ch’uyakunawan kuska kaspaymi Jesusnillaypaq wiñayña takisaq.

21

Wañuyninwan Jesus waqyamuwaqtinmi Risaq, May kusisqa uyallanta rikumusaq, Qespichisqa kaspan hanaq pachamanqa Risaq, Wiñaypaqmi Jesusniywan kawsamusaq. Sutillayta waqyawaqtinmi, “Hamuy waway”, nillawaqtinmi, Ripullasaq Diosniypaman Khuyaqnillaypaman. Sumaq Diospa wasinpiqa manan wañuy Kanchu, Nitaq nanay, waqay, llakikuypas kanchu, Qespichisqankunaq kawsariynin p’unchaypiqa Kawsarispan Jesusniywan tinkuq risaq. Runa-masillayman Jesusmanta willaspaqa Kusikuyta, llakikuyta tarillani, Hanaq pachamanña Diosnillay waqyawaqtinqa, Jesusniypa qayllallanpin kusikusaq

22

Jesuspaqmi munani Tukuy sonqo takiyta, Mana samaspaña serviyta Kallpachawan Paypunin Hucha millanallaypaq, Wiñay hap’ipakunallaypaq. Jesusllaman nispaymi, Kusikuyta tarini, Chaymi kunan kusikushani Khuyakuspan nishawan “Ñoqan qanwan kashani, Maypi kaqtiykipas qanwanmi”

Jesusniymi qelqanwan Sapa p’unchay rimawan Aswan-aswan sonqoy qonaypaq, Paytapunin servisaq, Payllamantan willasaq Hamuy, niykamuwanankama

23

Cristo hinaqa manan kanchu, Hukllapas, hukllapas, Payna sumaqqa manan kanchu, Pillapas, pillapas. Llakillanchista yachaspan, Samachiwanchis, Yayallanmanta mañaspan, Kallpachawanchis.

Pay hinataqa tariswanchu Maypipas, maypipas, Sonqonchistapas reqsinmanchu Imayna yachaqpas. Asuykuqtaqa wich’unmanchu, Hayk’aqpas, hayk’aqpas, Khuyasqantaqa qarqonmanchu Maymanpas, maymanpas. Pay hinapuni qespichiqta, ¿Maypitaq tariswan? Pay hinapuni munakuqta Runapi reqsiswan.

24

Diospa munakusqan wawankunan Mana iñiq runakunawan Chimpa-chimpapura kashaqtinkun Lloqsimurqan hatun Goliat Mana iñiqkunaq chawpinmanta Manchay hatun sayayniyoq Lliwta sapa p’unchay manchachispa Kallpayoqwan tupananpaq. Rikuspanmi David nirqan reyta “Ama llakikuychu kaywanqa Ñoqan risaq wañuchiqnin”, nispa “Qan warmaqa atiwaqchu”, Niqtinñataq sonqonmanta nirqan “Hina warman michiq kaspay Leontapas wañuchillarqani Diospa yanapasqan kaspay”. Mana espadayoq phawarispan Phisqa huch’uy rumichallata Michimunan warak’achantawan Apaykuspa asuykurqan Goliatñataq pisichaspa nirqan “Wañuchispan aychaykita Kunan qosaq ankakunamanraq Alqokunamanpas”, nispa. “Diospa sutillanpipunin”, nispa David huklla kallpaykurqorqan Usqhayllata warak’achanmanpas Rimichata churaykuspan, Mat’inpiraq warak’arqollarqan, K’irisqaña urmaqtintaq Usqhay espadanta qechurqospan Kunkantapas qhorurqoqan.

25

Ch’uyan kanki munayniyoq, Diosnillay Munakuywan yupaychamuyki, Sonqoywanmi willakamuyki, Ch’uyan kanki, ch’uyan kanki, kamaqllay. Ch’uyan kanki, ch’uyan kanki, Diosnillay Nispapunin yupaychasunki Qayllaykipi akllakusqayki, Kinsa sutiykipi sapan Señorllay. Ch’uyan kanki, ch’uyan kanki, Diosnillay Nishasunkin qonqorispanku, Angelkuna kusikuspanku, Wiñay-wiñay munaychakuq, kamaqllay. Ch’uyan kanki, ch’uyan kanki, Diosnillay Khuyakuspa ancha khuyakuq, Sentenciaspa huklla rimariq, Astawami reqsikuyki Señorllay. Ch’uyan kanki, ch’uyan kanki, Diosnillay, Rikushanin ruwasqaykipi, Inti, killa, qoyllurkunapi, T’ika, sach’a, tukuy kaqpin, kamaqllay.

26

Manan kanchu kaypi ñoqallaypaq Jesús hina qespichiq, Sapa p’unchay pusaqniy Jesusllaymi lliwman willanaypaq. Jesusllay, Qespiqllay, Qanllan kanki ñoqallaypaq, Kallpachaqniy, waqaychaqniy Khuyaqllay, Pusaqllay, Munakuykin wiñay-wiñaypaq. Jesusmi sonqoypa munananpaq Tukuy ima qoqniymi, Sumaq yanapaqniymi, Payllapunin hap’ipakunaypaq. Jesusllaymi sonqoy hut’aykuchiq, T’antan almallaypaqpas, Payllan mikhuchiqniypas, Llakiypipas sonqoy kusirichiq. Ancha munakuqmi Jesusniyqa Paytapunin munasaq Payllamantan willasaq, Yanapallawanqan Jesusniyqa

27

¿Pitaq kayman uraykamurqan? Jesús qespiqninchismi. ¿Pitaq waqcha nacemullarqan? Qespiqninchis Jesusmi. Munakuymanta takisun Huk sonqolla llapanchis, Jesusninchista niykusun: Gracias, gracias Jesuslláy.

¿Pitaq wañupullawarqanchis? Kikin qespiqllanchismi. ¿Pitaq kawsay qowaqnillanchis? Jesús rantiqninchismi. ¿Pitaq k’iriykusqa kallarqan? Rantinchispi wañuqmi. ¿Pitaq huchanchista mayllirqan? Yawarninta ch’aqchuqmi. ¿Pitaq kayman kutimullanqa? Kawsarispa ripuqllan. ¿Pitaq qespisqata pusanqa? Khuyaqninchis Jesusllan.

28

Ima sumaqmi simillayki Diosnillay Ancha kusikuy kay sonqoypaq, Sapa p’unchaymi kallpachawan, Ama manchaychu nillawaspa, Yayallay. Yaqa-yaqaña urmaqtiypas, Kamaqllay, Waway hatariy, nillawaspan, Sapa paqarin rimallawan, Mana huchaman urmanaypaq, Uywaqllay.

Llamp’u-llamp’ullan simillayki, Kamaqllay. Hina llamp’upas haykuykuqtaq, Chiri sonqopas rupharichiq, Rumi sonqopas llamp’uyachiq, Munaqllay. Chaymi munayki Qanllataña, Pusaqllay, Tukuy ñanniypi kallpanchaway, Wiñay-wiñaypaq waqaychaway Qanllatapuni servinaypaq, Kamaqllay.

29

Kawsankin Jesús ñoqapaq, Kawsankin wiñay-wiñaypaq, Kawsankin hanaq pachapi, Munakunaypaq. Sonqowan munawaspaykin, Muchuspa wañullarqanki, Wañunay karqan chay cruzpi Qanpaq kanaypaq. Wañupuwasqaykiwanmi Tarini wiñay kawsayta, Sonqoypaq kusikuytapas Kusikunaypaq. Kasaqmi hanaq pachapi Qespichisqaykikunawan, Kusisqa kawsakamusaq Wiñay-wiñaypaq.

30

Diospa Churin Cristo Qespichiqniy kanki, Ñoqa wawallaykin Reqsikamullayki. Millay wañuymanmi, Uraykamurqanki, Yawarniykiwanmi Qespichikuwanki.

Yana huchaymantan Maylliykuwarqanki, Yana sonqollaytan Yuraqyachirqanki. Rantisqaykin kani, Qanlla kamachiway, Makiykipin kani, Aswan yachachiway. Kaypi urmaqtiyqa Sayarichikuway, Wañukullaqtiyqa, Jesús pusakuway

31

Qallariypiqa Dios kamarirqan Hanaq pachata kaytawan, Lliw kay pachaqa hallp’an kallarqan, Llapa unuqpas tuyusqan. Tutayaqninwan pakachikurqan, Espirituq muyushasqan. Chawpillanmanta unukunata Wichay urayman rakirqan, Uray pachapi askha unuta Huk hawallaman huñurqan, Chhaynaykuspanmi, sumaq hallp’ata Ch’akiy-ch’akita ruwarqan. Hallp’allamantan paqarimurqan Munay llanllanshaq q’achupas Sumaqllatañan rikhurimurqan Tukuy ruruyoq sach’apas, Inti killawan Diosqa rakirqan Tuta p’unchaykunatapas.

32

Jesusnillay, Jesusnillay Munasqaykipaq kawsachikuway, Akllakusqaykin kallani, Llamp’u sonqoyoq kaytan munani, Munasqaykipaq kawsachikuway. Kamaqnillay, kamaynillay Kawsachikuway munasqaykipaq, Kay sonqollayta maylliway, K’iskichaqniyta horqoykullaway Qanllawanpuni wiñay kanaypaq. Khuyaqnillay, khuyaqnillay, Munasqaykipaq kawsachikuway, Hampiykullaway k’iriyta, Qechuykullaway nanaynillayta Servikunaypaq waqaychakuway. Jesusnillay, Jesusnillay Kawsachikuway munasqaykipaq, Almallaytapas pusaspa, Ruwaynillaywan lliwman k’anchaspa, Sutikimanta willarinaypaq.

33

Qhawariway, Kamaqnillay, Kikiy mana atillasqayta, Aswan-aswan manchakusqayta, Qanllamanta willakunaypaq. Sumaq-sumaq, Jesusnilláy Sonqollayta yanapaykuway, Ñannillaypi kallpachaykuway, Munasqayki ruwanallaypaq. Maytan nini, Khuyaqnillay, ¿Qhepamanchu kutiripusaq? ¿Ñawpaqmanchu icha purisaq? Nispay sonqollayta tapuni. Chaymi Qanta Qespichiqllay, Khuyakuspay waqyakamuyki, Sonqoymantan mañakamuyki Yawarniykiq chanin kallaspay.

34

Kawsarichiwayku, Jesusllay, Espirituykiwan, Kallpachaqniykuwan Chiriyasqa sonqoykuta. Kawsarichiwayku Espirituykiwan, Qanlla servikunaykupaq. Kawsarichiwayku Jesusllay, Qanta suyaspaykun, T’awiripushayku Para suyaq t’ika hina. Kawsarichiwayku, kamaqllay, Khuyakuyllaykiwan, Sumaq simiykiwan, Sonqoykuta kallpanchaspa

35

Qespichiqlláy, Qespichiqlláy, Chakiykimanmi asuykamuni, Qanlla kasuytan munani, Qanpin tarini kallpachaqniyta, Almallaypaqpas pusaqnillanta. Kamaqnilláy, kamaqnilláy, Sonqollaymantan huchaykunata Willakamuyki llapanta, Willakusqayta uyariykuway, Yawarniykiwan maylliykukuway.

Munaqnilláy, Munaqnilláy, Chakiykimanmi asuykamuni, Tukuy sonqollay qonaypaq, Espirituyki hunt’aykuwachun, Qanllapaqñataq almay kallachun. Jesusnilláy, Jesusnilláy Ancha kusiytan chayraq tarini, Hatun samaytan chaskini, Qespichiqllaymi kapuwasqanki, Sonqollaymantan munakullayki.

36

¿Manachu ñoqaqa willayman Jesuspa siminmanta? ¿Paypaqchu manaqa takiyman Qollaman sutinmantan? Urpipas takillanpunin, Pachalla illarimuqtin Sach’apas maywikunpunin Wayralla wayrarimuqtin. ¿Chaychuqa manaqa ñoqallay Simiywan willakuyman? ¿Jesuspa qespisqan kashaspay Sonqoywan munakuyman? Urpipas sumaqtan takiykun, Ñoqapas takipusaq, Sach’apas Diosmantan willakun, Ñoqapas willakusaq.

37

Khiskamanta coronata ruwarqospankun, Jesusniypa umallanman churaykurqanku, Asikuspa p’achallanta llant’arqospankun, Sani-puka p’achallawan churaykurqanku Asikunankupaq. Jesusllay, Jesusllay, Reqsikuykikun rantiqniykupaq, Qespiqllay, Qespiqllay, Chaskikuykikun Señorniykupaq. Kayqayá judiopi munaychakuq, nispanku, Soqostataq varanpaqpas hap’ichirqanku, Huknin, huknin ñawpaqenpi qonqorispankun Thuqaykuspa umallanpi k’irillarqanku Muchuchinankupaq. Yaqa urma-urmantaña horqollaspankun, Simón sutiyoqwan cruzta apachirqanku, Chayachispa llasaq cruzpi chakataspankun, Iskay suwaq chawpinpitaq churaykurqanku Wañuchinankupaq. Vinagreta p’osqoyoqta chhaqruykuspankun, “Unuta qoriway” nillaqtinpas qorqanku, Ruwasqañan nispa cruzpi wañusqanraykun, Iñiqkuna qespikuyta aypaykullanku, Kawsanallankupaq.

38

Sumaq-sumaq k’anchaq Jesusniyqa Wañusqan cruzpi yuyaspaymi, Makiykunaq ruwallasqantapas Q’opata hina qhawashani. Jesusnilláy, waqaychaykullaway Paytukuq runa kanaymanta, Cruzllaykiwan yuyariykuchiway Aswanraq hucha atipayta.

Qhawariykuy munakuynillanta Chakinta makinkunatawan, Lanzaq, chay clavoqpas k’irisqanta Yawarllan phullpurikamushan. Qhawariykuy munakuynillanta K’irinta yawar phawamushan, ¿Maypiñataq chchayna munakuyta Ñoqallay kaypi tarillayman? Lliw pachantinkaqpas kapuwanman Jesusnillayman qoykunaypaq, Chaypas mana serviq q’opas kanman Chayraykun qoni almallayta.

39

Cieloykita saqeykamuspaykin Hamurqanki kaypi naceq, Wasitapas mana tarispayki, Pesebrepi nacerqanki. Sonqollayman haykuykamuy, Jesusniy, Qoykin tiyakunaykipaq, Aswan-aswan haykuykamuy, Jesusniy, Wiñay kawsakunanchispaq. Huchaq ñit’iykusqan runakunata Qespichiqmi hamurqanki Munakusqaykita rikushaspan, Aswan wañuchirqasunki. Qespichisqan kusiykukusaqku Kayman kutimullaqtiyki, Phuyu ukhumanta, “hamuy, hamuy, Churillay”, nimuwankiku.

40

Huk tutan ch’askapas k’anchaykushaqtin, Killapas sut’iykushaqtin, K’anchashaq cielota saqeykamuspan, Belenpi Jesús nacerqan. Angelkunan takispa “Gloria kachun cielopi Diosllapaq, Thak-kayñataq kay pachallapaq, Runapaqtaq allin”, nimurqan, Jesusmanta willaspan. Uywaqpas puñunan pesebrellapin, Anchata khuyawaspanchis, Wiñaypaq qespiyta munawaspanchis, Belenpi Jesús nacerqan.

Mamanmi wawanta walthaykullaspan Kusisqa marq’ariykuspan, Uywaqpas mikhunan kaqman churarqan, Belenpi Jesús naceqtin.

41

Cenaykipin kashallayku Huk sonqolla, Señorllay, Rantiykupi wañusqayki Yuyariykuq, Jesusllay, Llapaykun, llapaykun Chakiykipi, Jesusllay. T’antapitaq yuyariyku Vinopipas Señorllay, Cuerpollayki yawarllayki Qosqaykita, Maylliqlláy, Ñoqaykun, ñoqaykun Yuyariyku khuyaqlláy. Cruzpi wañusqaykiraykun Kawsashayku, Qespiqllay, Yawarnikiraykutaqmi Reqsiykiku, Señorlláy Qoykikun, qoykikun Sonqoykuta, Jesuslláy. Qanllamantan llapallayku Mañakuyku, Señorllay, Saminchaykukuyllaykita Almaykupaq, Pusaqlláy, Qowayku, qowayku Llimp’ariqta, Jesuslláy.

42

Señor Jesús chaskiykuwayku Mañakamusqaykuta, Qayllaykipi huñuykunakuq Iskay wawallaykipaq. Qanpa sumaq saminchayniyki Paykunapaq kallachun, Atiyniyoq Espirituyki Sonqonkupi tiyachun. Sapa p’unchay kawsayninkupi Qanwanpuni kallachun, Gloriaykiman waqyariqtiyki Hamunallankukama.

43

Diosman gracias kachun, Jesuspa sumaq sutinpi, Warmi qharin kunan Paykuna sonqokumanta Munaykunakuspan Hukllachaykukunku. Diosña paykunata Kawsashaq Espiritunwan, Saminchaykullaspa Munasqan wawankunata, Khuyanakuyllapi Kawsakunankupaq.

Dioslla yuyachichun Llakiypi kusikuypipas Sinchi muchuypipas Jesusman asuykuspanku, Sumaq Diosllanchista Servikunankupaq

44

Huktawanmi kay pachapi Rikuykunakunchis, Abrazaykunakullanchis Kaqlla huñuykuspa, Sonqonchispas rupharishan Kusikuyllamanta. Qanllapaqña Diosnillay, Graciasllayku kachun, Qanllapaqtaq Jesusllay, Yupaychaynillayku. Diosmi kutichimusunki Kayman allillanta, Paymi pusakamusunki Mana allinmanta, Sapa p’unchay waqaychaspa Kusi-kusillata.

Khaynallata kawsakusun Ch’uya munakuywan, Diosllanchista servikusun Tukuy sonqonchiswan, Jesús waqyamuwaqtinchis Ripunanchiskama.

45

Wawqellanchismi* ripukushan Yayallanchiswan tiyaq, Kunallanpunin haykuykushan Diospa wasinpi kawsaq. Kay pachataña saqeykuspan Diospa kasqanman ripun, Lliw munasqanta saqeykuspan, Payqa chinkariykapun. Ñoqallanchispas ripusunmi Diosña “hampullay” niqtin, Qespichisqaqa kawsasunmi Cuerpo wañupuqtinpas. Jesusnillanchis hamuqtinmi, Kuska kutimusunchis Qespichisqaqa payllawanmi Munaychakapusunchis.

46

Jesusllanchis kutimuspanmi Kay hinata tarimuwasun, Wakinchistan llank’ashaqta, Wakintataq puñushaqta, Hinaqtinmi qonqayllamanta Wawallanta hoqariwasun. Diosninchispa simillantataq Uyarispan angelninkuna, Kayneqmanta chayneqmanta, Hanaqmanta uraymanta, Llapachallan runakunata Khuyakuywan huñuykuwasun. Hinaqtinmi wawqenchiskuna Wañuqkuna kawsarimpunqa, Usqhaytataq ñoqanchispas Kay pachapi kawsaqkuna Kuskallaña hoqariykusqa, Ripusunchis phuyu ukhuman. Chayananchis hanaq pachapi Ñak’ariypas tukukunqañan Tutayaqpas lliwñan chinkan, Jesusllañan lliwta k’anchan Diosllanchistan rikuykullasun, Payllatañan yupaychallasun. Kaykunata suyashaspaqa, Ch’uya sonqo kawsakullasun, Supaymanta cuidakuspa, Tutatapas p’unchaychaspa Yayanchista yupaychaspataq,

47

Kay pachapi tukuy kaqtan, Allin kaqtan, sumaq kaqtan, Hatun kaqtan, huch’uy kaqtan, Yachayniyoqtan, atiyniyoqtan, Diosnillay, Qan kamallarqanki. Adoraykin, Diosnillay, Yupaychaykin, Yayallay, Sonqoymanta munakuyki Jesusniypa sutillanpi. Sumaq-sumaq urpichatan Ruwarqanki raphrantinta, Kayman chayman phalarispa, Misk’i-misk’ita takiykullaspan. Qanta alabanasuykipaq. Chhaynataqmi kamarqanki Yana-yana orqotapas, Puririshaq mayutapas, Munasqaykita ruwallaspanku, Lliwpas yupaychanasuykipaq. Intitapas, ch’askatapas, Wayratapas, qasatapas, Chirawtapas, poqoytapas, Llapachallantan unancharqanki Yuyarispay adoranaypaq.

48

Aychallaymi sonqollaywan Lliwpi hukllachaykukuspa, Tuta p’unchay huchallaywan Almallayta ñit’iykushan. ¡Imañataq kay aychayqa! ¡Imañataq kay sonqoyqa! Huchallaman urmay munaq, Urmayllaman almay pusaq. Diosnillaymi qelqallanwan Sapa p’unchay willawaspan, “Hamuy wawaý” nillawaspan, Marq’ayninpi waqaychawan. K’umuykuspa willaqtiymi, Ukhuymanta nillaqtiymi, “Ama manchakuychu” niwan, Jesuswantaq kallpachawan. Khuyawanmi Diosnillayta, Cuidawanmi Jesusllayqa, Urmaqtiymi hoqariwan, Llakiqtiytap kusichiywan.

49

Kay pacha hanaq pacha cuidaq Diosmi Ñoqatapas cuidakuwan, Wayra, qocha, para, kamachiqmi Ñoqatapas kamachiwan. Munakuykin, Diosnilláy, Sumaq-sumaq, Yayalláy. Llanllashaq q’achu, t’ika wiñachiqmi Ñoqatapas wiñachiwan, Tuta p’unchay rikhurichiqtaqmi Ñoqatapas kawsachiwan. Lliw munay sumaq sach’a ruruchiqmi Ñoqatapas ruruchiwan, Alton phalaq condor mikhuchiqmi Ñoqatapas mikhuchiwan. Kawasaki inti killa k’anchachiqmi Ñoqatapas k’anchachiwan, Tukuy rikch’aq urpi waqaychaqmi Ñoqatapas waqaychawan.

Munaqniy Diospa Churin hamuqtinmi Munakuywan tinkumusaq, Tiyasqanman pusakuwaqtinmi Wiñaypaqña kawsamusaq.

50

Diosnillayqa atiywanmi Waqaychawan, Orqopipas, mayupipas, Chiri wayra qaparispa Hamuqtinpas makinwanmi Hark’aykuwan. Munakunin Diosnillayta, Adoranin Yayallayta, Yupaychanin Jesusllayta, Wañuymanta horqoqniyta. Kay pachapi llakiqtiypas, Waqaqtiypas, Diosnillaymi kusichiwan, Runakuna chiqniwaspa Rimaqtinpas, Payllapunin upallachin. Millay hucha muyuwaspa Hamuqtinpas, Diosnillaymi vencechiwan, Iñiynillay pisiq hina Kariqtinpas, Payllataqmi yapaykuwan. Llumpaq-llumpaq khuyaqniymi Diosnillayqa, Wiñaypaqmi uywakuwan, Huktawanmi sonqollayta Qoni payman, Munasqanta ruwananpaq.

51

Tukuy unanchaq, Jesusllay, Qayllaykimanmi asuykamuni, Huchallaytan q’epimullayki, Sumaq-sumaq yawarllaykiwan Ch’uyay-ch’uyata maylliykukuway. Wañunaymanta Horqoqlláy, Qanllamanpunin apamullayki Mana reqsiy millay sonqoyta, Sapa p’unchay iskayrayaqta, Kallpachakuq atiyllaykiwan Cheqaq sayaqta ruwaykukuway. Huchallaymanta Qespiqllay, Tukuy almayta qanman qomuyki, Ñawiy, simiy Qanpaq kallachun, Makiy, chakiy Qanpaq ruwachun, Tukuy ima qowasqaykipas Munasqaykipi servikullachun. Tukuy sonqowan Khuyaqlláy, Khuyakuyllaykin hunt’aykullawan, Kusikuytan chayraq tarini, Sonqollaypin chaskikullayki, Aswan-aswan hunt’aykukuway Sutillaykita yupaychanaypaq.

52

Jesusllay, ¿maymantaq risaq? ¿Pillamantaq asuykusaq? Tukuy sonqo willaykukuq, Llakillaypas paskariykuq, ¿Mayumanchu, qaqamanchu? ¡Manan, manan! Qanllamanmi, Jesús Qanmi khuyawanki, Huchallaytan maylliwanki, Almallaytan kallpanchanki, Chaymi hap’ipakamuyki. Hucha muyullawaqtinqa, Kutichiypas kawaqtinqa, ¿Imaynatan atipayman? Jesusllay ¿pimantaq riyman, Santomanchu, illamanchu? Llakiy ñit’illawaqtinqa, Wañuy muyullawaqtinqa, ¿Imaynatan qhepanchasaq? Jesusllay, ¿pimantaq risaq, Huchasapa runamanchu? Yachaykunan pisillawan, Kallpallaymi chinkariwan, ¿Imaynatan tarillasaq? Jesusllay, ¿pimantaq risaq, Yachaqmanchu, qhapaqmanchu?

53

Jesusnillayku Llapallaykuman Hunt’aykuwayku Kawsarimpuyniykiq Lliw atiyninta, Sonqoykumanta Adorayniyku Lliw ch’uya kananpaq.

Hunt’aykuwayku Sonqollaykuman Cheqaq kallpayoq Espirituykita, Almallaykupi Manchakuykuna Llakikunapas Chinkaripunanpaq. Ñannillaykupi Kallpachawayku, Aychaykutapas Negarparispayku, Kayman kutimuy P’unchaynillaykiq Illariyninta Suyanallaykupaq.

54

Wiñaymanta wiñaykama Munayniyoq Jesusllay, //Chakiymanta umaykama, Onqosqallan tarikuni//

Sinchi-sinchi rumiyasqan Sonqollaypas, Cristollay, //Huchallaypa qhellichasqan Tuta p’unchay ñak’arishan// Manan kanchu khuyawaspa Hampiykuqniy, Señorllay, //Aceitewan hawiwaspa Nanaynillay samaykuchiq// Simillaykin munakuywan Rimaykuwan, Khuyaqllay //Hampisunkin k’irillanwan, Iñikullay, nillawaspa// Tukuy sonqo cruzllaykiman Hamullani, Jesusllay, //Yawarllaykiq ch’aqchusqanwan Wiñaypaqña maylliykuway//.

55

Ñawi ruwaq Diosnillay, Ñawillayta kichariway Qelqallayki qhawanaypaq, Qhawallaspay yachanaypaq, Wawqey yachachimunaypaq. Yuyay qokuq Yayallay, Yuyayniyta kichariway Simiykita yuyanaypaq, Munayniyki ruwanaypaq, Qanlla yupaychamunaypaq. Yachay qokuq Señorllay, Yachaytaña qoykullaway Takiykita yachanaypaq, Tukuy sonqo takinaypaq Qanta yupaychamunaypaq.

Kallpa qokuq Diosnillay, Kallpallayta yapaykuway, Ñanniykipi purinaypaq, Simillaywan willanaypaq, Qanta servikamunaypaq.

56

Khuyapayaykukullaway, Diosnillay Sinchi khuyapayakuynikiman hina, Tukuy mana kasukuyniykunatapas Pichaykukullaway. Aswan-aswan maylliykuway, Yayallay Mana allin ruwallasqaykunamanta, Llapa millay yana huchaykunatapas Ch’uyayaykuchiway.

Huchallaytan reqsikuni, Ruwaqllay, Huchallayqa yuyayllaypipunin kashan, Qanllatataq huchallaywan phiñachiyki, Pampachaykullaway. Huchallaypin nacerqani, Señorllay, Hina huchallaypitaqmi mamallaypas Ñoqallayta wiqsalliykukullawarqan, Ch’uyayaykuchiway. Hisopowan ch’uyanchaway, Diosnillay Hinaqtinmi ch’uyay-ch’uyayllaña kasaq, Rit’imanta astawanmi yuraqyasaq, Yuraqyaykuchiway. Uyaykita pakaykullay, Yayallay, Tukuy niraq hucha ruwallasqaymanta, Ch’uya sonqotaña ruwaykukullaway, Mosoqyaykuchiway. Sumaq qayllaykimantaqa, Señorllay, Ama mayllamanpas wiqch’uykullawaychu, Espirituykitaq takyachillawachun, Kisiykuchillaway.

57

Señor Diosmi kachamurqan Sumaq-sumaq Churillanta, Tukuy sonqo munasqanta, Kay pachapi nacenanpaq. Runamanmi tukullarqan Huchayoqta qespinanpaq. Kay pachaqa hunt’an karqan, Belen llaqta hunt’allataq, Tambollanpas k’iskillataq, Mana samay tarinanpaq Tayta-maman maskhallaspan Pesebreman haykuykurqan. Tukuy iman puñunayoq Animalpas iphiñayoq, Urpichapas q’esayoqmi, Jesuspaqa manan kanchu, Chaymi Cristo chaskikuyki, Haykuykamuy sonqollayman. Manan pipas yacharqanchu Qespichiqpa nacenanta Angelkunaq takisqanta Michiqkunaq ninankama Paykunallan yupaycharqan Hinaspataq willakurqan Pi manaña munaqtinpas Ñoqapaqmi necerqanki, Ñoqaraykun wañurqanki, Ñoqapaqtaq kawsankipas Wiñaypaqmi munakuyki Qantataqmi adorayki

58

Señor Jesusllaymi, Khuyakuqnillaymi, Kawsarichiwaqniy, Kallpachallawaqniy, Khuyaqnillaytachu, Rantiqnillaytachu, Ñoqa saqellayman, Kaypi qonqallayman. Kay pachapi kaqchu, Qori qolqe kaqchu, Sumaqyachiwanman, Kusichillawanman, Sumaq mikhunachu, Misk’i ukyanachu, Wiñachillawanman, Qochuchillawanman, Icha ukyanachu, Amigoykunachu, Almay pusaq kanman, Sonqoy hunt’aq kanman, Mana allin kaqpas, Nitaq munay kaqpas, Hunt’aykullawanchu, Kusichillawanchu. Qan Jesusnillaymi, Qan Qespichiqllaymi, Tukuy imay kanki, Chaymi munakuyki, Qanpaq almay cuerpoy, Qanpaq tukuy sonqoy, Qatikullasqaykin, Servikullasqaykin

59

Gloria Qespichiq Jesusman Gloria munakuyninmanta Gloria wiñay-wiñaypaqpas, Wayllusqay Jesusniy. Sonqoykiwan munawaspa, Chakatasqa wañurqanki, Munakuwasqaykirayku, Wayllusqay Jesusniy. Suyanin wañuyllaykipi, Chaywan ñoqaq kawsayniyta, Wiñaypaq rantiwarqanki, Wayllusqay Jesusniy. Rikusqaykin haqayneqpi, Qanwan samakuq risaqmi, Ñawpaqeykipi q’ochukuq, Wayllusqay Jesusniy.

60

Pantarqani purispa Ch’usaq orqokunapi, Hucha ñanta qatispa, Urmarqani qaqapi, Qanpin Jesús iñini, Qantan suyakushayki, Urmasqa chitaykita, Hoqariway Michiqniy.

Cruzpi wañuyniykiwan, Huchaymanta horqoway, Yawar hicha’sqaykiwan, Huchaymanta maylliway, Qanpin Jesús iñini, Qantan suyakushayki, Kay wakcha chitaykita, Qespichiway Michiqniy. Chinkasqa rikukuspan, Qanman Jesús hamuni, Qespikuyta maskhaspan, Chakiykiman qayllani, Qanpin Jesús iñini, Qantan suyakushayki, Chinkasqa chitaykita, Pusakuway Michiqniy.

61

Cruzpin sumaq Qespichiq wañurqan, Tukuy huchaytataq Pay aparqan, Qespichiwananpaq qoykukurqan, Munakuq Jesusqa.

62

Gloria Qespichiqman, Khuyaykuq Apuman, Jesusmi wañuymanta horqowan, Kawsarichillawan. Wañuyninwan pampachaykullawan, Huchayta yawarninwan maylliwan, Ch’uyata Pay sonqoyta ruwawan, Kusirichillawan. Jesuspin kawsay unuqa kashan, Ch’akisqakuna hamuychis kunan, Paymi unuta qoyta munashan, Qayllaykuqkunaman. Ama qhepaspa huchayoq hamuy, Suyashasunkin Jesús qayllaykuy, Munakusunkin qanta chimpaykuy, Qespichiqninchisman.

Kunan Diosniyku Yupaychamuykiku Jesús Churikirayku Qespiwankiku. Gloria Qanman Diosnillayku, Yupaychamuykiku Aleluya Diosnillayku, Wiñay-wiñaypaq. Qan Jesusniyku, Chay k’anchayniykita, Saqespa hamurqanki, Ñoqaykurayku. Santo Espiritu, Yupaychamuykiku, Kusikuyta, kallpata, Qan qowankiku.

63

Huchasapa uyarikuy Jesusmi waqyasunki, Diosniykimam kutirikuy, Paymi qespichisunki. Kunallan riy Jesusman, Chakatasqa wañuqman, Haykullayña kawsayman. Wañuychus qanman hamunman, ¿Imanawaq chay pacha? Mana pichasqa huchawan, Riwaqchari muchuyman. Ama qesachaychu Diosta, Qespikuytan qosunki, Pay aparqan huchaykita, Qosunkitaq kawsayta. Cristo wañurqan kurkupi, Qanpa wañunaykita, Qanraykun warkusqa karqan, Yawarninta hich’arqan.

64

Cenaykipi huñukuyku, Huk sonqolla, Jesusniy, Wañusqaykita yuyariq, Ñak’arisqaykitawan, Jesusniy, Jesusniy, Rantiypi wañurqanki. T’atapitaq yuyariyku, Qespikuyniykumanta, Vinopitaq yuyariyku, Yawar hich’asqaykita, Munakuq Jesusniy, Wañurqankin Qan cruzpi. Jesusniy yupaychaykiku, Tukuy sonqoykumanta, Gloria kachun sutiykiman, Kunanmanta wiñaypaq, Diosnillay, Diosnillay, Qanta yupaychaykiku.

65

Lliw waynakuna kay iñiyrayku, Maqanakusun hucha pachawan, Saqrapas ni atipawasunchu, Jesús yanapawasun. Kaypi muchusun chay, Huk p’unchay gloriapi, Tiyasun q’ochurikuypi, Payta munakuspa crustapas Apasun, Payqa pillutataq qowasun. Ama chiri sonqo kasunchischu, Munakuyninchispas pisichunchu, Kallpachakusun Jesusninchispi, Kaypi iñisqanchispi. Ch’uya kawsayta lliw munasunchis, Espiritupitaq purisunchis. Kusi kawsayta wiñay-wiñaypaq Cristo qonqa llalliqman.

66

Sumaq Diosniypa wasinpi, Manan kanqachu llakikuy, Tukuy kaypi muchusqaymi, Phuyu hina chinkapunqa. Ñak’ariypas kanqañachu Nanay waqay tukukunqa, Manan yuyarisaqñachu, Diosniypa wasinpi kaspa. Llakisqachá kaypi kayman, Diosniymanta karupi, Wakintaq Paywan kankuman, Qespisqataq kusikuypi. Hanaq pacha Diosniypapin, Ch’uya munakuyqa kanqa, Sumaq Diosniypa wasinpin, Kusi kawsayniyqa kanqa. Diosniywanña kasaq hinan Wiñay ñoqa kusikusaq, Tukuy kaypi muchusqaymi, Kusikuyman tukupunqa.

67

Gloria kawsaymanmi ripukushaniña. //Diospa kaynillanwan saminchaykusqaña// Suyasqay llaqtaman samiyoq wasiman, //Jesusniy kicharqan ñanta yawarninwan// Kay llulla pachapi, kay weqe kawsaypi, //Llakillan imapas muchuyllan hayk’apas// Kusikuykunata q’ochukuykunata, //Kaypichu maskhayman kaypichu yariyman//

Llakillan kaypiqa waqayllan kaypiqa, //Ripukushaniñan Jesuswan samakuq// Diosniywan kawsaspan samayta tarini, //Diosniywan tiyaspan thak-kayta reqsini//

Yanapaykullaway khuyakuq Jesusllay, //Pisi kallpaykita awqay atipayta// Manchay-manchaytañan hucha rimarishan, //Huchaq qhepantataq llakiy chayamushan//

Pusakapullaway, munakuq Jesusllay, //Kusisamiykiman hanaq pachaykiman.

68

Ñawillaymi, Jesusnillay Mana allin qhaway munaq, Qhawaykuspa aswan munaq, Munaykuspa ancha khuyaq. Qanllaña, Jesusnillay, Ñawiyta, simiytapas, Makiyta, sonqoytapas, Ch’uyayachiy Jesusllay. Simillaymi, Señornillay, Tukuy mana allin rimaq, Hayaqtaraq p’osqotaraq, Mirariykuchispa rimaq. Makillaymi, Qespichiqllay, Sinchi mana allin ruwaq, Kayneqmanraq chayneqmanraq, Allinpitaq musphaykachaq. Sonqollaymi, Pampachaqllay, Tukuy rikch’aq hucha munaq, Munaykuspa usqhay ruwaq, Ruwaspataq ancha munaq.

69

70

Ch’uya-Ch’uya, Diosnillay, Qan sapallaykin kapuwanki, Kay pacha hanaq pacha, Imaymana rikch’aq kamariq.

Graciastan qoyki, sumaq Diosniy, Sumaq munakuyniykimanta, Chinkay ñanta rishaqtiy, Qayllaykiman pusawarqanki. Llapaq-atipaq, Diosnillay, Qan sapallaykin kapuwanki, Kaypipas cielopipas, Yupaychakunay sumaq Diosniy. Huchallapi kashaqtiy, Churikita kachamurqanki, Huchaq mawk’asqan kaqtiy, Mosoq runata kamawanki. Ancha sumaq Diosnillay, Sumaq Qespichiq Jesusnillay, Cheqaq Santo Espiritu, Yanapallaway wawaykita.

70

Munakuq Cristo, Qanllatapunin Yupaychasqayki kawsanaykama. //Sumaq Qespichiq, yanapallaway Qanllatapuni yupaychanaypaq//

Sumaq Qespichiq, maypin tariyman, Qan hinataqa yupaychanaypaq. Mana yachaspan yupaycharqani, Kay pacha kaqta ñawsa kayniypi. Kunan ichaqa reqsikuykiña. Munakuqniyta, Qespichiqniyta. Chaymi Qanllata yupaychasqayki, Cheqaq Diosniyta servikusqayki.

71

Jesucriston wiñay kawsaq, Qanmi kanki Diospa Churin, //Manapunin qonqaymanchu Sutillayki yupaychayta// Inti, killa, ch’askakuna, Orqokuna, pampakuna, //Imaymana kamasqaykin Yupaychallasunkipuni// Chaymi ñoqa wawallayki Huchaymanta pampachasqa, //Manapuni qonqaymanchu Sapallayki yupaychayta// Imaymanan kay pachapi Yuyayniyta muspharichin, //Qespiqniypi iñiyniymi Kawsayniyta kallpanchawan// Kay pachapi mana allin Ñak’ariyña hamuqtinpas, //Allinkaqwan kutichispa Atipasaq Jesusniywan//.

72

Adorallasaqmi hatun Diosniytaqa Yupaychallasaqmi Cristo Jesustaqa Munakuqniytaqa kawsay qoqniytaqa Qespicheqniytaqa kusiy qoqniytaqa Hanaq pachamantan uraykamurqanki Calvario patapin ñak’arillarqanki Huchasapakunaq Qanpi iñinanpaq Millay kawsaymanta qespikapunanpaq Qanmi Cristo kanki, Qespichiqnillayku, Qanmi Jesús kanki, Kawsaq Diospa Churin, Yawarllaykiwanmi rantiykukuwanki K’irillaykiwanmi hampiykukuwanki. Chaymi ñoqa qoyki tukuy sonqollayta Chaymi ñoqa qoyki tukuy kawsayniyta Chaypi tiyakuspa yachachiwananpaq, Chaypi tiyakuspa kawsaysiwananpaq. CORO Adorallasaqmi cheqaq Diosniytaqa, Yupaychallasaqmi Diospa Churintaqa Adorallasaqmi hatun Diosniytaqa, Yupaychallasaqmi Cristo Jesustaqa

73

Dios Yayayku, Wawaykikunan Qayllaykiku K’umuykukuywan. //Señor waqaychawayku Uma hoqariymanta, Qoykullawaykupuni Llamp’u sonqo takiyta// Sutiykitan Yupaychaykiku, Sonqoykuwan Takimuspayku.

74

Diosniy, munakuqmi kanki, Diosniy, khuyakuqmi kanki, Llakikuy p’unchaypipas Yanapaykullaway Cristo, waqaychaway. Jesús, munakuqmi kanki, Jesus, khuyakuqmi kanki, Tukuy huchaykunata Pampachaykullaway Cristo, qespichiway. Cristo, qespichiqniy kanki, Cristo, pusaqniymi kanki, Kay hucha pachamanta Qespichikullaway Cristo, pusakuway. Qoway bendicionniykita, Qoway yanapayniykita, Saqrata atipaspa, Qanwan ripunaypaq, Cristo, yanapaway.

75

Hatun Yayallay munakuwanmi Chaymi kachamun qhapaq Churinta Paymi nacerqan runa tukurqan Paytaq muchurqan munakuwaspa Ñawsakunatan qhawarichirqan Such’ukunatan puririchirqan Wañuqkunatan kawsarichirqan Onqoqkunatan qhaliyachirqan

Tukuy sonqoywan adorasqayki Ancha munakuq hatun Yayallay Mana qonqaspan yupaychasqayki Ancha khuyakuq Cristo Jesusllay.

76

Señorpa p’unchayninpiqa Huñuykukuspanchis, Kawsaq Diosta yupaychasun Kusikuy sonqowan. Señorpa p’unchayninpiqa Yuyarisunpuni, Señorninchis Jesucristoq Kawsarinpusqanta. Calvariopin qhawarinchis Sumaq Qespichiqta, Kay pachantin runarayku Cruzpi wañusqanta.

Yupaychasun tukuy sonqo Tukuy kallpanchiswan, Tukuy yuyayninchispiwan Qespichiqninchista. Wañuspapas kawsarimpuq Qespichiqninchisqa, Cheqaqtapunin kawsashan Yayanpa qayllanpi. Kunanqa ñoqanchisraykun Mañapushawanchis, Hanaq pacha Yayanmanta Qespisqankunapaq.

77

Uyariychis hamuq kawsaymanta, Jesucristoq kutimunanta, Wiñay-wiñay Paywan kawsaymanta, Hanaq pacha sumaq suyupi. //Haqaypi, cielopi, Chaypi kusikunanchismanta// Kutimunqan Qespichiqninchisqa, Iñiqkunata pusakapuq, Ripusunchis Paywan kuskallaña Hanaq pacha qhapaq suyuman, //Suyana, suyana, Paywan ripunapaq suyana// Sumaq k’anchay llaqtaman ripusun, Chaypi sumaq kusi kawsayman, Llakikuypas waqaypas kanqachu Jesucristoq sumaq suyunpi, Manaña kanqachu Ñak’ariypas muchuy kawsaypas, Manaña awqapas, Jesucristoq sumaq suyunpi.

78

Cielomantan kutimunqa Qespichiqniyqa, Huktawanmi hamullanqa Jesusnillayqa, Mana yachasqayki horan kutiykamunqa, Huchallapi kawsashaqtan taripasunki.

79

Iñiqkunan ñawpaqtaqa kawsarimunqa Puñuqkunan ñawpaqtaqa rikch’arimunqa, Chaymantañan iñiqkuna wicharipusun, Chay hinapin Jesusninchiswan tinkumusun. Santa Qelqan willakushan guerraq kananta, Diospa simin sut’inchashan muchuy kananta, Santa Qelqan willakushan waqay kananta, Diospa simin willakushan nanay kananta. Sonqoykita tupaykukuy runamasillay, Sonqoykita t’aqwiykukuy puriqmasillay, Cheqaqtachus cielomanqa wicharipunki, Ichataqchus kay pachapi qhepaykapunki

Kunanmi ichaqa tariykukuni Munakuq Diosniyta, Makillanwanmi hoqariykuwan Hucha kawsaypi wañunaymanta, Yawarllanwanmi rantiykukuwan Supay wasiman haykunanmanta. Ima sumaqmi munakuyllayki, Khuyakuq Diosnillay, Espiritutan qoykullawanki Kay sonqollaypi tiyanallaypaq, Payllapunin yachaykachiwan Kay huchamanta t’aqakunaypaq. Espirituykin kallpanchallawan, Munakuq Diosnillay, Kay simillayki willarinaypaq Lliw huchaspa runakunaman, Qelqallaykiwan yachaykachinki Kay huchamanta t’aqakunaypaq. Sumaq kusiytan qoykullawanki, Munakuq Diosnillay. Kusi kawsaytan rikuchiwanki Qanllawanpuni tiyanallaypaq, Hatun Diosniyta yupaychanaypaq, Angelkunawan takiykunaypaq.

80

Graciastan qoyki, sumaq Diosnillay Ancha munakuynikimanta Wañuy pachapi purishaqtiymi Munakuywan maskhawarqanki Qanllatapunin serviykusqayki Qanllatapunin yupaychasqayki Ancha munakuynikimanta Sumaq misk’i simiykimanta

Qanllan runata kamallarqanki Rikch’ayniyki rikch’ayniyoqta Paraísomanmi churaykurqanki Qayllaykipi kawsanallanpaq Simillaykita mana kasuspan Saqraq siminta kasuykullarqan Wañuyninta tarinallanpaq Kawsayninta chinkachinanpaq Yuyaynillayta kichariykuway Iñiyllayta yapaykullaway Ch’uya Qelqayki qhawanallaypaq Simillayki yachanallaypaq.

81

Señor, ¿imatan qosqayki? Qespichiwasqaykimanta, ¿Qoritachu qolqetachu? Chaypas chaniyoqchu kanman. Kay sonqollaytan qopuyki Chaypi tiyakunaykipaq, //Almay cuerpoytan qopuyki Qanpaq llapan kapunanpaq// Qespichiqniy wañurqanki, Ñoqarayku chakatasqa, Imayna munakuq kanki, Wañunayta wañurqanki.

Imaymana sumaq kaqta Kamaqnillay qowankiraq, Kallpata, sumaq kawsayta, ¿Ñoqari imatan qoyki? ¿Llapan kawsaynillaytachu, Ichari wakillantachu? Qespichiqniy qopusqayki Sapallaykiq kapunanpaq. Qespichiqniy yanapaway, Qayllaykipi iman kaqlla Qanllapaqña kapunaypaq, Kunanmanta wiñaykama.

82

Kay pachapi khuyasqay, wawqellay. Takisunchis sumaq Diosninchisman, Hatun-hatun khuyakuq Diosllata Tukuy sonqo yupaychaykullasun. Makillanchis Diospaq ruwallachun, Chakillanchis Señorpaq purichun, Ñawillanchis Payta qhawallachun, Kunkanchispas Paypaq takillachun, Kay pachapi tiyananchiskama. Watakunan muyuykarqamunña. P’unchaykunan pisillaña kashan, Jesucriston usqhaylla hamunqa, Llapa wawan pusakapunanpaq. Runamasiy, ¿imaynataq kanki? ¿Ñachu Diospa qespisqanña kanki? Kunanpacha qayllaykuy Jesusman Diosninchista servikunaykipaq.

83

Kay pachapin runa purin, Huchallapi kawsakuspa, //Diosninmanta t’aqakuspa Kawsayninta chinkachispa// Chaymi Diosniy kachamurqan Munakusqan churillanta //Huchasapa maskhananpaq Wiñay kawsay qoykunankupaq// Asuykamuy rumi sonqo Maskhaqniyki Diosninchisman //Awqaykita qatispaqa Ninamanmi haykuykunki// Chaymi Cristo muchuykurqan Huchasapa runarayku, //Pipas payta chaskispaqa Mosoq runa kapunanpaq// Juicio p’unchay chayamuqtin Imaynaraq runa qanqa, //Huchallapi kawsaqkunan Diosmantaqa t’aqakunqa//.

84

¿Qolqellaykipi kaqnillaykipi Iñispaykichu purishallanki? Qolqellaykiqa kaqnillaykiqa Llapachallanmi tukukapunqa Huchallaykiqa viciollaykiqa P’unchay p’unchaymi watashasunki Ukhu pachaman haykunaykipaq Wiñay wiñaypaq waqanaykipaq Diospa Churinqa, Cristo Jesusqa Munakuywanmi waqyashasunki Makinkunata mast’ariykuspa “Hamuy wawallay” nimushasunki Ama qhepaychu, ama suyaychu Usqhayta chimpay Qespichikuqman Chaytaq waqawaq chaytaq llakiwaq Wiñay muchuypi rikukuspayki

85

//Huchayoq hamukuy Jesusman, Hamuy yuyayman kutirikuy// //Diosninchismi waqyashasunki, Hamuy usqhay chaskiykukullayña// //¿Huchaq ñit’isqanchu kashanki Kawsayniykipi llakikuylla?// //Jesusmi nishasunki kunan, “Hamuy, ñoqan saminchallasqayki”// //Jesus hamunqa kay pachaman Tukuy runatan huchachanqa// //Huchayoqtan muchuchillanqa, Qespisqanta pusakapullanqa// //Kunanmi qespikuy p’unchayqa, Paqarinqa icha manaña// //Suyarisaqraq, ninki, chayqa. Paqtan punku wisq’aykukunmanña//

86

Huchayoq hamuy Cristo Diosman, Usqhay chimpamuy Qespichiqman, Hamuqtiykiqa qespisunkin, Wiñay kawsaytan Pay qosunki. Qespichikuqmi waqyasunki, Huchaykitataq pampachanqa, Sonqoykipitaq tiyakunqa, Millay kayniyki chinkapunqa. Diosnillanchisman hamuqtiyki, Qespichikuqman qayllaqtiyki, Manan ninqachu, kutipullay Nitaq ninqachu, Q’aya hamuy. Chimpay usqhayta Qespichiqman, Ama suyaychu q’ayataraq, Paqtataq q’aya waqay kanman, Wañuynillayki aypamuqtin.

87

Tayta-maman wawankuta Kusisqa pusamurqanku, Jesucristo Apunchisman, Makinpi saminchananpaq. Jesucristo Apunchisqa Munanmi wawakunata Kachun imayna wawapas, Qespichiytapunin munan. Hinan yachachisqankuna, Wawa pusamuqkunata, Mana yachaspa hark’arqan Jesusman pusamushaqta.

Chayta rikuspa Jesusqa Anchatapuni anyarqan Yachachisqankunataqa Amaña hark’anakupaq. Tayta-mamaq ruwananqa Pusananpunin wawanta, Jesucristo Apunchisman, Wawata saminchananpaq. Tayta-mamaqa chayrayku Uywanan wawankunata, Qespichiqta reqsichispa Ama chinkayman rinanpaq.

88

Caná llaqtamanmi waqyasqa karqan, Jesús qespichiqqa casarakuyman, Kamachinkunawan qhawaykuq rirqan, Casarakuqkunan kusikurqanku. Jesús atiyninta lliwman rikuchin, Chay Caná llaqtapi runakunaman, Vino pisiqtintaq unullamanta Vinoman tukuchin atiynillanwan. Cheqaq atiyninqa kunankamapas, Manan tukukunchu kashallanpunin, Chaymi runakunaq millay-kayninta Atiywan tukuchin chanin kananpaq. Jesusmi saminchan casarakuyta, Munayninman hina casarakuqta, Kaypipas maypipas saminchashanmi, Paytapas qantapas saminchasunkin.

89

Dios Yayanchis waqaychasunki Paypa hatun atiyninwan, Qanwanpuni Dios Yaya kachun Ñanniykipitaq pusaspa. Qanwanpuni Qespichiqninchis Wasipipas puriypipas, Qanwanpuni Dios Yaya kachun Maypiña kashaqtikipas.

Qanwanpuni Dios Yaya kachun Tutapipas p’unchaypipas, Qanwanpuni Santo Espiritu Llakipipas kusichispa. Llapachiswan Dios Yaya kachun Huchamanta waqaychaspa, Llapanchisan Dios Yaya kachun Awqamanta waqaychaspa. CORO: //Dios munaqtinqa huk p’unchaykama Tinkusunchis Paypa qayllanpi Mana astawan t’aqarinakuq Sumaq Diosninchispa qayllanpi//

90

Runatapas kamaq Diosmi, Inti killa kamaq Diosmi, Imaymana kamaq Diosmi, Atiyniyoq Diosninchisqa. Mana iñiqpa diosninqa, Qorimanta qolqemanta, Pachasmanta, k’aspimanta, Runakunaq ruwallasqan. Siminpas manan rimanchu, Ñawinpas manan rikunchu, Ninrinpas mana uyariq, Senqanpas mana reparaq.

Makinpas manan llaminchu, Chakinpas manan purinchu, Chay hinatan runa ruwan Runamasin q’otunanpaq. Manataq purinchu chayqa, Ayata hinan wantunku, Imaymana q’ochukuywan Kawsaqpas kanman hinata. Qespisqankunaq Diosninqa Wiñay-wiñay kawsaq Diosmi, Simillanwan kamaq Diosmi, Atiyninwan ruwaq Diosmi

91

Pacha illarimuytan Warmikuna rirqanku, Sumaq q’apayta apaspa Qespichikuq Jesusman, Mana tarirqankuchu Jesuspa cuerpontaqa, Chaymi sut’inchawanchis Jesús kawsarisqanta. Angelkunan willarqan Jesús kawsarisqanta, Willaqmi kutirqanku Yachachisqankunaman, Pedron, wayna Juanpiwan Qhawaq phawarirqanku, Manan tarirqankuchu Jesuspa cuerpontaqa. Sepulturaqa manan Atiyniyoqchu karqan Jesuspa cuerpontaqa P’ampaykapunanpaqqa, Chaymi cheqaq kusikuy Qespichiq kawsarisqan, Lliw Paypi iñiqkuna Jesús suyanankupaq.

92

Cristo Diospa Churin, Qespichiqniy kanki, Wañuyniykiwanmi Qespichiwarqanki. Chakatanamanmi Aparqasunkiku, Ñoqaq muchunaytan Qan muchullarqanki. Imayna munakuq Qespichiqniy kanki, Ñoqaq rantillaypi Wañunallaykipaq.

Onqosqan karqani Huchapi kawsaspa, Yawar hichasqaykin Hampiykullawarqan. Millay huchaymanta Pampachawarqanki, Millay kayniymanta Yawarniyki mayllin. Mañakamullaykin, Yanapaykullaway, Tukuy sonqollaywan Yupaychallasqayki.

93

Hucha kawsayta saqespa, Millay viciota saqespa, //Iñisaq Jesucristopi, Iñisaq Pay sapallanpi// Munanin ñannin puriyta, Cristo Jesuspa ñanninta, //Hucha kawsayta saqespa, Mosoq kawsaypi purispa//. Sarusaq Pay sarusqanpi, Purisaq Pay purisqanpi, //Kawsasaq Pay kawsasqanpi, Tiyasaq Pay tiyasqanpi.// Iñinin atiynillanpi Iñinin kallpachayninpi, //Iñinin yanapayninpi, Iñinin waqaychayninpi//

94

Apu Diosnillaypa Siminta kasuspan Qelqallanman hina Bautizaykukusaq. Señor, yanapaway Qelqayki hunt’ayta, Iñiq t’aqaykipi Kamachillaykipaq. Huchapaq wañuspa Qanpaqña kawsasaq, Mosoq kawsaypitaq Kaypi purinaypaq. Cristo qespichiqpi Cheqaq iñisqayta, Mosoq kawsayniypi Lliwman rikuchisaq. Kay pacha kawsayta Saqepullaspaymi, Hanaq pachallaman Kawsakuq ripusaq.

95

Yayayku hanaq pachapi kaq, Sutiyki yupaychasqa kachun, Qhapaq suyuyki hamuchun, Munayniyki ruwasqa kachun.

96

Amataq wateqaymanqa pusawaykuchu, Aswanpas mana allin kaqmanta Qespichiwayku. Qanpan qhapaq Suyupas, atiypas, qhapaqchaypas, Wiñay-wiñaypaq. Amén. Imayna hanaq pachapipas Hinallataq kay pachapipas, Sapa p’unchay t’antaykuta Kunan qowayku, Yayallayku. Huchaykuta pampachawayku Imaynan kikiykupiwanpas Huchallikuwaqniykuta Pampachayku hinallatataq

Llapa atipaq Sumaq Diosniyku Mañakuykiku Yanapawayku Sumaq simiyki Yachanaykupaq. Espirituyki Kunan hamuspa Yuyayniykuman Sonqoykumanpas Simiykitaqa Qelqaykullachun. Uyarisqayku Simikunapi Yuyaymanaspa Kawsallasaqku, Chanin kawsayta Maskhallaspayku. Cheqaq Diosniyku, Qelqaykitaqa Saminchaypuni, Llapa uyariq Wawaykikunaq Allin kananpaq.

97

Mañakuspan kawsarqanku Huk sonqolla huk yuyaylla, Manan iskayarqankuchu Señor Diospa nisqantaqa. Askhan Diospi iñiqkuna Huñulla suyasharqanku, Pentecostés p’unchaypiqa Espirituq atiyninta. Santo Espiritun hamun Ancha hatun atiyninwan, Chayamun suyaqkunaman, Hunt’aykuntaq atiyninwan. Chaymi mañakamuykiku Santo Espirituykita, Kay wakcha sonqollaykuman Tiyakuq haykunanpaq. Espiritu Santon kanki, Qespichiqniykuq qokuynin, Qowayku atiyniykita Pentecostespi hinaraq.

98

Diosniy, uyariway Lliw mañakusqayta, Tukuy huchaymanta Pampachaykuwaspa. Diosniy, yachachiway Allin mañakuyta, Santo Espirituq Yanapaynillanwan. Diosniy, yachachiway Qanpaq munayniyki Maskhanaypaqpuni Mañakuyniypipas. Diosniy, iñiyniypi Kallpanchaykullaway Awqay amapuni Atipawananpaq. Diosniy, mañakuyki, Waqaychaykullaway, Sapa p’unchay hina Qanta servinaypaq.

99

¿Imamantan manchakusun Ñoqanchiswan Dios kashaqtin? ¿Imamantan llakikusun Waqaychasqa kashaspanchis? ¿Imañataq t’aqawasun Diosninchispa makinmanta? Wakcha kaspa, ¿ñak’ariychu? Kay pachapi, ¿muchuyllachu? Manan atinchu wañuypas, Ñak’ariypas, espadapas, Hucha kawsaymi ichaqa Atin Diosmanta t’aqayta. Dioswan kawsayninchistaqa Imañan t’aqawasunman, Atiyniyoq makinmanta Manañan qechuwasunchu.

100

Qespisqa wayna-sipas Kallpachakusun, Huchamanta ayqespa Ch’uya kawsaypi. CORO: Jesusninchiswanqa Atipallasunmi Awqanchistaqa. Payllan kallpachawasun Wayna-sipasta Awqanchis atipayta Yanapawasun. Chanin kaqta ruwaspa Allin yuyaywan, Kawsasun munakuypi Tukuy sonqowan, Qespichiqninchis munan Wayna-sipasta, Maypiña kaqtinchispas K’anchananchista.

101

Manan waqaywanchu Manan llakiywanchu, Qespisqa kaytaqa Tarinman runaqa. Calvario patapi Chakatasqa wañuq Jesus sapallanmi Atin qespichiyta.

Imapas ruwayqa Manan atinmanchu Hucha pampachayta Kay awqa pachapi. Kay waqay pachapi Kay llakiy pachapi, Qespichiqqa manan Astawanqa kanchu. Cristopi iñispan Tarinki kawsayta, Kunanpacha iñiy, Qespisqataq kanki.

102

Atiyniyoq Diosmi kanki, Mosoqmanta kamariway, Huchaq mawk’asqan almayta Santo Espirituykiwan. Qanmi kanki cheqaq Diosniy, Munayniyoq, atiyniyoq, Millay-kayniyta t’ikraway, Yuraq rit’ita hinaraq. Santo Espiritun kanki, Iñinin atiynikipi, Qoway atiynillaykita Awqay atipanallaypaq. Diosniy, yanapaykullaway, Munayniyki, rimayniypi Sutiykita yupaychasaq. Diosnillayta yupaychasaq, Jesusniyta yupaychasaq, Santo Espiritutawan, Tukuy almay sonqoypiwan.

103

Huchallapi kawsaspa Chinqasqataq kashaqtiy, Diosniy, maskhawarqanki, Tariwarqankitaq. Chaymi yupaychamuyki Tukuy sonqollaymanta, Tukuy yuyaynillaywan Tukuy kallpallaywan Diosniy, yanapallaway Qayllaykipi kawsayta, Huchamanta ayqespa Qanta servinaypaq. Diosniy, yanapaykuway, Khuyakuynillaykiwan Pampachaykullawaytaq Tukuy huchallayta. Jesusllay, Señorllay, Tarikuwaspayki, Khuyakuynillaykiwan Qespichiwarqanki.

104

Khuyakuq Dios Taytay, waqyakuwarqankin, Imaynatapunin munakuwanki, Huchapi kashaqtiy qespichiwarqanki, Wiñay kusikuyta qowanaykipaq.

105

Ch’uya Diosmi kanki ancha khuyakuq, Cheqniqniykunata khuyapayaykuy, Yanqa qasipunin runaqa riman, Manan kasunichu rimasqankuta.

Cheqnikuqkunaqa kashallankupunin, Diosniy.ñanniykipi may cheqaspipas, Chaywanpas ñoqaqa kusisqallapunin Qanwan purikusaq tukuy sonqoywan. Familiaykunapas saqerpariwankun, Qanlla ñoqamanta yuyarikuway, Askha runakunan cheqnikapushawan, Diosniy, pusakuway, wawaykin kani.

Hanaq pacha llaqta Diosniypa llaqtanmi Mana tukukuqmi Wiñay-wiñaypaqmi, Kay pacha wasiyqa Tukurqakapuqllan, Phuyu q’osñi hina Ch’usaqyarqapuqllan. Ama kutiqaspa, Ama huchakuspa, Jesuspa qhepanta Llapanchis purisun. Jesuswan rinapaq Payta servinapaq Ruwananchispunin Paypa munayninta. Cruzpi wañusqanwan Kallpachawasunchis, Mana sayk’uspalla Paywan rinanchispaq. Atipasunpunin Awqata, huchata, Lliw wateqaytapas, Cristoq yawarninwan. Diospa wasinpiqa Wiñaypaq kawsasun Payta yupaychaspa Munakuyninmanta.

106

107 Cheqaqtan munakun Dios kay pachata, Churintan kachamun kaypi wañunanpaq, Pillapas iñiqqa qespikunanpaq, Wiñay kawsayllaman aypaykunanpaq. Cheqaqtan waqyashan Dios lliw runata, Wiñay chinkaymanta qespichinanpaq, Pillapas chaskiqqa kawsakunanpaq Wiñay wañuymanta qespikunanpaq, Mana iñiqpaqqa wakichisqañan Wiñay ñak’ariylla mana tukukuq, Munasqa wawqellay, iñikullayña, Diosmi waqyasunki munakuyllanwan

Cielopi, cielopi wasikuna, Haqaypi, haqaypi tiyanaqa, Chaymanmi ripusun wawankuna, Chaymanmi ripusun iñiqkuna. Cielopin k’anchashan llaqtakuna, Sumaqtan lliph-nishan k’anchayninpas, Llapantan k’anchashan Diosnillanchis, Manataq hayk’aqpas tutayaqchu. Chaypitaq, chaypitaq samanaqa, Diosllataq wiñaypaq uywakuqqa, Chaypitaq sumaqña kawsamusun, Kusisqa kusisqa sonqollantin.

108

//Adorasun, yupaychasun Dios Yayallanchista// Kamakuwasqanchismanta Payta adorasun Munakuwasqanchismanta Payta yupaychasun.

//Adorasun, yupaychasun Apunchis Jesusta// Rantikuwasqanchismanta Payta adorasun, Qespichiwasqanchismanta Payta yupaychasun, //Adorasun, yupaychasun Santo Espirituta// Yanapawasqanchismanta Payta adorasun, Kallpachawasqanchismanta Payta yupaychasun.

109

Daniel runan karqan Diosnillanpa ñawpaqenpi, Llapan kamachikuqkunan: Huchachasun, nillarqanku. Reynillanku Darioñataq Kamachispa qelqallarqan Danielta huchachananpaq, Mana ima huchanmanta. Danieltaqa aparqanku Leonkunaq fosollanman, Wikch’uykusqan kapullarqan Leonkunan mikhunanpaq. Diosnillanmi munakuspa Angelninta kachamurqan, Leonkunaq simillanta Watarparipunallanpaq. Daniel runan librakurqan Mana cuerpon k’irisqalla, Qhalillatan horqorqanku Diosnillanwan kusisqata.

110

Reynillayku Darioñataq Wakmanta qelqaykullarqan, Daniel huchachaqkunata, Mana Dios kasuqkunata. Llapankuta huchachaspan Wawantapas warmintapas, Kamachikuqkunatapas Wañunaman aparqanku. Leonkunaq fosonmanmi Wikch’uykunku mikhunanpaq, Altollapiraq chaskispan Tullunkunatapas ñut’urqan. Chaymi reyninku Darioqa Manchakuywan willachirqan, Llapan llaqtakunamanpas. Llapan runakunamanpas. Kay hinatan willachirqan: Daniel runaq Diosnillanqa Cheqaq chaninpunin kasqa, Cheqaq kawsaq Diosmi kasqa

111

112

Munakusqan llaqta qespichisqan runa ¿Maytan chinkarinki qonqarqospayki? Uywapas reqsinsi munakuq dueñonta Wakapas reqsinsi puñunan kanchata Munakusqan llaqta mana yuyarinchu Khuyakuq Diosninta mana yupaychanchu

Awqaykiq pusasqan huchaykiq ñit’isqan Iskayrayaq runa ¿maytan rishanki? Munakuq Jesusmi sonqoykita takan Chayman haykuykuspan k’ancharichisunki, Sonqoykita kichay yuyarinaykipaq Wañusqa kashaspa kawsarinaykipaq Ukhu-pacha punku kicharisqa kashan Awqa sonqo runaq ñak’arinanpaq Kikillaykimanta wañuyman rishanki Huchallaykiwanmi chinkaripushanki Jesusqa wañurqan qespinaykipaqmi Paywan kuskapuni kawsanaykipaqmi.

Cristo qespichiqniy, qatikullasqaykin, Kallpachawaypuni servikunaypaq. Qhapaq yawarniyki cruzpi hich’asqaykin Huchayta pampachan libre kanaypaq.

113

Yawarnillaykipin confiakushani, Munakuynikipi kusikushani. Graciasta qoshayki qespikuymanta, Muchupuwasqayki chay tukuymanta. Diosniy, qanllamanñan tukuy kawsayniyta Lliw puriynitapas hap’ichikuyki. Qanmi pagarqanki Cristoq yawarninwan Rantiwanaykipaq, Qanpañan kani. Espiritu santo kawsay unun kanki, Ch’akisqa almallay ukyaykunanpaq, Hamuy kawsayniyman, atiyta qowanki Lliw huchaykunata atipanaypaq. Haku wawqe-pana kawsaq Diosninchisman Kusisqa takispa chimpaykullasun, Tukuy sonqopuni alaballasunchis Atiyniyoq Diosta yupaychallasun.

Sumaq munakuq Señor, Khuyaykukuq Diosnillay, Yachachiwayku lliwman Evangelioykimanta. Pusaway Diosnillay, Kallpaykita qospa, Kamachisqaykita Lliwman willamusaq.

Señorllay, pusakuway Santo Espirituykiwan, Munakuynikimanta Runaman willamusaq. Diosnillay “gracias” niykin, Munakuynikimanta. Yupaychasqaykipunin Sumaq takikunawan

114

Buenos días Diospa llaqtan, Napaykuykin kusikuywan, Diosninchispa kamarisqan P’unchaypiña kashaspanchis.

115

Sumaq p’unchay llapanchiswan, Diosninchispa qowasqanchis Sumaq intiq k’anchaykusqan Kusisqalla kawsakusun. Diosmi munan wawankunaq Huk sonqolla kawsananta, Huk yuyaylla munakuypi Sutillanta yupaychaspa.

Diospa simillanmi, Ch’uya qelqallanmi, Yarqasqa almayta Kawsarichillawan. Qelqallaykiwanmi Almallayqa kawsan, Simillaykiwanmi Wiñay kawsayniyoq. Diosniy, yanapaway Qelqayki qhawayta, Sapa p’unchay hina Yanapaykullaway. Manan Qelqa kanchu, Cheqaq chanin Qelqa, Mana pantaq Qelqa, Cheqaq ch’uya Qelqa

116

Hanaq pachamanta Uraykamurqanki, //Kay pachapi muchuq, Yarqay ch’akiymanta Munakuwaspayki, Khuyakuwaspayki,// Hinapunin karqan Munakuynikiqa, //Lliw kamasqaykipaq, Lliw kawsaqkunapaq, Sapan Churiykita Qomunaykikama.// Criston yawarninta Hich’arqan wañuspa. //Lliw Paypi iñiqqa Ama wañunanpaq, Lliw Paypi iñiqqa Qespisqa kananpaq.// Mana iñiqpaqqa Ñan wakichisqaña: //Wiñaypaq ñak’ariy Wiñaypaq muchuylla, Qespichiq Cristopi Mana iñiqtinku//

117

Juicio p’unchaymi Qayllaykamushan, Manaraq runa Qespikushaqtin. Imaynaraqmi Qayllaykamushan Llapan kawsaqpa P’uchukayninqa.

Cristo Jesusmi Maskhashanpuni, Mana qespisqa Runakunata. Khuyakuq Diosqa Manan munanchu, Kamasqan runa Chinkapunanta

118

Jesucriston cheqaq ñanqa, Hanaq pachaman pusakuq, //Pipas maypas Paypi iñiqqa, Chay ñanninta purillanqa// Jesucriston kawsay t’anta Mana hayk’aq yarqachikuq, //Pipas maypas Paypi iñiqqa, Mana yarqachikunanpaq// Jesucriston wiñay kawsay, Wañuspapas kawsarimpuq, //Pipas maypas iñiqmanqa, Wiñay kawsay qonaykipaq.// Señor Jesús Qanmi kanki, Cheqaq punku cheqaq ñanpas, //Pipas maypas iñiqmanqa, Wiñay kawsay qonaykipaq//

119

Ancha hatun kusikuymi, Huktawan tinkuykuspanchis, Apunchis Diospa qayllanpi, Kusisqa huñuykukuyqa. Atiyniyoq Diosninchisqa Waqaychaykamuwarqanchis, Kawsaytapas qowaspanchis, Huñuykuwananchispaqraq. Qowanchis sumaq kawsayta, Llapa-atipaq Diosninchisqa, Huktawan tinkuchiwanchis Kusisqata qayllallanpi. Kunantaq mañakuykiku, Qowayku yachayniykita, Pentescostespi hinaraq, Ch’ulla sonqolla kawsayta.

120

Awqaq makinpi kashaqtiy, Jesucristo rantiwan, Yawarninta hich’aspanmi Rantikuwan Qespiqniy. Paypi iñispan yachani Rantisqaña kasqayta, Yawarninpa chanin kaspa Wawanpuni kasqayta. Kacharichisqañan kani Awqaq watasqanmanta, Paywan kuska kawsanaypaq Yawarninwan rantiwan. Qespiqniytan Diosnillaytan Yupaychasaq sonqoywan, Kamachinta ruwaspaymi Payta yupaychallasaq.

121

Señor mañakamuyki, Santo Espirituta, Sonqoyman hunt’aykuspa Kawsarichiway. Señor, kutimuy, Usqhayta hamuy Wawaykikunan Suyashaykiku. Ama chiri sonqoyoq Kay pachapi kanaypaq Aswanpas kawsaq sonqo Yupaychasqayki. Kallpallay pisiyaqtin Señor, kallpachaykuway, Kamachiyki ruwaqpaq Kawsashaspayraq. Sonqoymi llakikushan, ¡Señor, kawsaysillaway! Espiritullaykiwan Kawsarichiway.

122

Kay pachan tukukushan, Wañuytaq qayllamushan, Juicio p’unchay hamushan, Usqhay maskhay Diosta. Usqhay maskhay Diosta Kawsashasparaq, Tiempoq kanankama Usqhaylla maskhay. Diospa siminman hinan Hunt’akun imaymana, Kay pachaq p’uchukaynin Imaynaraq kanqa. Kayniqpi haqayneqpi, Runaq awqanakuynin Sapa p’unchay willakun, Llaki hamunanta.

123

Khuyakuq Diosniyku, graciastan qoykiku. Kamachiykimanta, p’unchaynillanpi, //Khuyakuyninkiwan mosoq watakama Kawsay qosqaykiwan hunt’asqanmanta.//

124

Diosniy, munakuykun kamachikitaqa, Askha watatawan kawsachillayraq, //Sapa p’unchay hina kamachillaykipi Yanapaynikiwan purinallaypaq.//

Espirituykiwan kallpachallaypuni Kamachisqaykita ruwanallanpaq, //Sumaq simiykita maypiña kaspapas Mana manchakuspa rimarinanpaq.// Khuyasqa wawqeyku kay p’unchayniykipi Tukuy sonqoykuwan napaykuykiku. //Khuyakuq Diosmanta mañapushaykiku Mosoq wataykipi saminchayninta.//

Ancha munakusqay, mamallay, Ancha khuyakusqay, uywaqllay, Tukuy sonqoywan napaykuyki Ñukñu simiyta kicharispa, Kawsasqaykita qhawarispa, P’unchayniykita yuyarispa. Chaskiykuway napaykuyniyta, Uyariway rimaykusqayta, Qorimanta aswan munana, Yachaymanta aswan waylluna, Sonqo ruruypin yuyasqayki, Paña rikraypin uywasqayki. Asuykunin kamaqninchisman, Mañakunin Diosnillanchisman, Askha wata kawsanaykipaq, Kusisami purinaykipaq, Apu Diosmi saminchasunki, Payllapunin qespichisunki

125

Samaria llaqtayoq warmin Unu wisikuq hamurqan, Jesusmi chaypi suyarqan Huchan reqsichinanpaq. Jesusmi warmita nirqan: Ñoqan kawsay unu kani, Ñoqamanta ukyaqniyqa Ch’akichikunqañachu. Warmitaq Jesusta nirqan: Qoway chay kawsay unuta, Huchaykunata maylliqtin Qespisqapuni kasaq. Samaritana warmiqa Kusisqan llaqtata kutin, Runakunaman willaspa Cristo qespichiqmanta. ¡Hamuychis, rikumuychis! Imaymana ruwasqayta Willawaqniy Jesusta.

126

Qespichiq, Jesuspi Iñispallapuni, //Sapa p’unchay hina Kawsasunchis kusisqa// Jesucristopi iñispalla Ama iskayaspa kawsasun, //Iñiyrayku yanapawasun Qespichiqninchis Jesusqa// Qespichiq Jesuspi Iñispallapuni, //Mañakusunchispas, Paytaq uyariwasun.// Qespichiq Jesuspi Iñispallapuni, //Qespisqa kawsasun Paywan kuska wiñaypaq.// Qespichiq Jesuspi Iñispallapuni, //Tiyasun thak-kaypi, Kawsasunchis qayllanpi.//

127

Señor Jesucriston kutiykamunqaña, Qespisqankunata pusarikapuq, Kawsashaqkunata wañupuqkunata, Hoqarinqa Cristo hanaq pachaman.

128

//Suyana Señorta, suyana Señorta, Ama puñuspalla Payta suyana// Señor Jesuswanqa tupaykamusunchis Llapan wawankuna phuyu chawpipi, Paywantaq wiñaypaq-tiyamullasunchis Diosta yupaychaspa k’anchay llaqtanpi. Señor Jesucristoq kutikamuyninqa Mana yuyasqanchis horaspin kanqa, Chayrayku iñiqqa suyanallanpuni, Tutapas p’unchaypas Qespichiqtaqa

Diospa simintachus yachachisun chayqa, //Jesucristoq allin kamachinmi kasun//

129

Allinta willasun Diospa siminmanta, //Ama manchakuspa ama p’enqakuspa//

Kay pachapi kawsaq mana yupay atiy //Sapa p’unchay hina huchanpi wañushan// Usqhayta purisun tiempoq kanankama //Diospa kamachisqan simita hunt’aspa// Paqtataq qonqaylla Jesus kutimunman //Mana suyasqanchis ima horastapas// Ima ruwashaqtan Diosqa tariwasun, //Ima nisunchismi Paywan tinkuspanchis//

Danielmi kawsarqan Maypiña kaspapas, Diosninwan rimaspa Sapa p’unchay hina. Diosniy yanapaway, Daniel hinallataq Mañakuspapuni Allin kawsanaypaq. Kinsa kutitataq, Danielqa mañakuq Kawsaq Diosninmanta Mana qonqaspalla. Tutamantankuna Chawpi p’unchaykuna Ch’isinkunapipas Mañakullaqpuni.

130

Cristoq soldadonmi kanchis, Wakichisqa kawsasunchis Diospa armanta hap’ispa Awqata atipasunchis. Manan ima atiywanchu Saqrata atipasunchis, Nitaq runaq kallpanwanchu Awqata atipasunchis, Diospa simin espadawan Santo Espirituq qosqan, Tuta p’unchay mañakuspa Atipasun awqanchista. Diosninchis yanapawasun, Evangeliota willasun, Runataq uyariwasun Qespichiqmantaq pusasun. Kallpachakuspa kawsasun, Diosninchis yanapawasun, Paypa qayllanpi purisun Iñiyninchispi sayasun.

Chakinchispas usut’asqa, Cinturanchis chumpiykusqa. Umanchispas cascoyoqtaq, Makinchispas espadayoq. Diospa allin corazanwan Allin-allin wakichisqa, Sapa p’unchay kawsasunchis Simillanta willaspanchis.

131

Cristo cheqaq Diospa Churin Adoraykikun Qanllata, Qespichiq kasqaykimanta Yupaychaykikun Qanllata. //Yupaychaykikun Qanllata, Qespichiq kasqaykimanta// Chakatasqa kallaspaykin Nanayta muchullarqanki, Qanman lliw hamuqkunaman Pampachayta qonaykipaq. Clavokunan k’iriykurqan Makiykita, chakiykita, Khiska pillun umaykita Espadataq sonqoykita.

Muchurqaki, wañurqanki, Huchasapa runarayku, Huchanmanta pampachaspa Wiñay kawsay qonaykipaq.

132

Santa qelqan willakushan Wañuy pacha hamunanta Ch’uya qelqan sut’inchashan Juicio p’unchay hamunanta Laqhayaqpin purishanki Tutayaqpin kawsashanki Huchallapín purishanki Cheqaq Diosta qonqaspayki

Jesucriston kutimunqa Cielomantan hamullanqa Kay pachata juzgananpaq Huchasapa juzgananpaq Hinaqtinmi iñiqkuna Cielomanña wichanqaku Pillutaña chaskinqaku Wiñay-wiñay kawsanqaku Qanpas usqhay chimpaykamuy Qespichisqa kanaykipaq Jesucristota chaskikuy Dioswanpuni kanaykipaq Diosta qonqapunki chayqa Infiernomanmi ripunki Kunanpuni uyarikuy Diosninchispa waqyasqanta

133

Qespichiqniyqa kawsashanpunin //Cielopin kashan Yayaq qayllanpi Mana wañuqmi wiñay kawsaqmi.// //Usqhayllatañan kutikamunqa Akllasqankuna pusapunanpaq// Wawankunata pusapuspanmi //Kusi gloriaman chayaykuspanmi Yuraq p’achawan p’achaykachinqa//

Huchayoqkuna asuykamuychis //Huchaykichistan Dios pampachanqa Wiñay kawsayta Pay qosunkichis//

134

¿Manapunichu iñikullanki Qespichiqninchispa simillantaqa? ¿Awqaykitachu qatikullanki Nina rawrayman haykunaykipaq? Maskhaqnikiqa, Cristo Jesusqa Huchallaykitan pampachasunki, Huchallaykita reqsikuqtiyki, Huchallaykita willakuqtiyki. Juicio p’unchayqa chayamunqañan, Diospa siminqa hunt’akushanñan, Cristo Jesusqa kutimunqañan Huchasapata muchuchinanpaq. Chhayna kaqtinqa usqhay chimpaykuy Kasukuypuni Diospa siminta Kawsashasparaq Payman qayllaykuy Manaraq wañuy aypamushaqtin

135

Kawsaynikiqa imaynan kanqa, Diospa Churillan kutiykamuqtin, Pampakunapas chhaphchirikuqtin, //Inti, killapas laqqhayaykuqtin// Manapunichu yuyarikunki Hucha kawsaypi purishaspayki Cheqaqtapunin juzgasqa kanki, //Diospa qayllanpi, juicio p’unchaypi// Wañuynikiqa sispamushanñan, Qanri wakichisqañachu kanki Hanaq pachamanqa haykunqaku //Jesucristopi iñiqkunallan// Ama negaychu evangeliota, Diospa siminmi evangelioqa, Mosoq kawsaymi evangelioqa, //Yuyayman kutirikunapaq//

136

¿Wiñay kawsaqchu qanqa kashanki Hatunchakuspa purinaykipaq? ¿Manapunichu rikuykullanki P’unchay-p’unchay p’ampaykukuqta? ¿Qonqay wañuylla hamusuqtiyki Imaynapunin qanqa kallanki, Ima khuyaytan chinkaripunki Mana Jesusta chaskiykukuspa? Cuentatan qonki Jesucristoman Taripay p’unchay chayamuqtinqa Llapan runapas juzgasqan kanqa Manañan pipas ayqenqañachu.

137

Diosniypunin munakuwarqan Jesuspunin qespichiwarqan //Kamachisqan ruwanallaypaq Simillanta kasunallaypaq// Espiritun yachayta qowan Atiyninmi ñoqapi kashan, //Payllataña yupaychanaypaq Diosnillayta adoranaypaq// Khuyakunin Jesusnillayta, Munakunin Qespichiqniyta, //Wañuymanta kawsachiqniyta Huchamanta qespichiqniyta//.

138

Espíritu Santon yachachiqniyqa Jesusniypa rimasqantapunin sut’inchan Sonqollaypipunin Payqa tiyakun //Paywan kuska kusisqalla kanaypaq//

139

Diospa rimaykusqan huchasapatan Espíritu Santo sonqollanta tupaykun Huchallanta reqsiykukuqtintaqmi //Qespicheq Cristoqa payman haykuykun// Jesupunin allin kaqta willarqan Manan qankunaqa llakisqachu kankichis Cielomantan kusichikuq hamunqa //Qankunawan wiñay wiñay kananpaq// Diospa qespichisqan ch’uya llaqtaqa Manan huktawanqa huchamanqa rinmanchu Espirituq tiyakunan sonqoqa //Manapunin qhellichasqa kanmanchu//

Llapallanchiswanña Jesusnillanchisqa, Ñanta purispapas maypi kaspapas, Orqo puntapipas runaq llaqtanpipas, Llank’asqachispipas wasinchispipas. Pisi tiempollañan kutimunan kashan, ¿Ima ruwashaqtan tariwasunchis? ¿Kamachikusqanta hunt’aykushaqtachu? ¿Hucha kawsayllapi purishaqtachu? Wawqe-panakuna llapallanchispuni Ama qonqasunchu Qespichikuqta, Wichay uraymanpas puririykusunchis, Diosnillanchiswanña maypi kaspapas

140

Iñispayki kallpachakuy wawqellaykuna Iñispayki yuyaychakuy panallaykuna Lliwmanpuni willasunchis Evangeliota Jesusninchis kutimuspa hoqarinanpaq Lliwmanpuni willasunchis mosoq kawsayta Señorninchis kutimuspa pusapunanpaq.

141

Amapuni p’enqakuychu lliwman willayta Amapuni manchakuychu sut’inchaykuyta Yachayniyki pisiqtinqa Diosllan qosunki Kallpallayki pisiqtinqa kallpachasunkin, Iñiyniyki pisiqtinqa Paymi qosunki, Espiritu santopunin qanwan kashanqa. Maskhaypuni llank’aypuni Diospa glorianpaq Maskhaypuni willaypuni pusanaykipaq Willaqtiykin pusaqtiykin qespisqa kanqa Huchallanta saqeqtinmi Diosqa kusikun Hanaq pacha suyupiqa kusikuy kanqa Wiñay-wiñay sumaq kusikuymi kallanqa.

Diosmi ancha munakuyninwan Kay pachata qhawarirqan, Mana allin ruwasqan hawan Runa huchachasqa karqan. Diosmi ancha munakuyninwan Churillanta kachamurqan, Runakuna huchallikuqtin Kay pacha chinkasqa kaqtin. Manan pipas chaskillarqanchu, Manan pipas suyarqanchu, Huchallapin kawsasharqanku Diosnillanta qonqaspanku. Kunanmi waqyashasunki Qespichiqninchis Jesusqa, Usqhayta chimpaykullayña Paqtataq tardeña kamman

142

Salmo qelqapin pusaq t’aqapi, Chaypin willakun Diospa siminqa, Atiynillanwan lliw kamasqanta, Chaytan rikunchis ñawillanchiswan. Hanaq pachata qhawarispaymi, Inti killata rikullaspaymi, Kamaq kasqanta yachallaspaymi, Diosnillaytaqa reqsikullani. Chaymi nillani, ¿pitaq runari, Hamunaykipaq paykunamanri? Angelmantapas as pisillata Ruwanaykipaq kay runatari. Chaytan rimarqan salmista David, Llapallan runa uyarinanpaq, Uyarispataq chaskinankupaq, Huchankumanta qespinankupaq.

143

Jesucriston kutimunqa, Kay pachata taripanqa Chay hatun atiyninwan, Suyasunchis hamunanta, Kusikunanchis p’unchayta, Chaypaq wakichikusun. Jesucristo hamuqtinqa Kay pachapas chhaphchikunqan, Intipas tutayapunqan Killapas laqhayapunqan, Cristollañan k’anchanqa. Qonqayllapunin hamunqa Qespichiqninchis Jesusqa, Yupaychasun Payllata. Imayna q’ochukuywanraq Jesusninchista chaskisun, Yuraq phuyu chawpipi. Qespichisqa runakuna Cristomanta willamusun, Llapa huchasapaman, Sumaq ch’uya sonqontinña Jesustaqa suyasunchis, Sumaq qespichikuqta. Jesucristoq k’anchayninmi Sonqonchista k’anchaykunqa, Ima sumaqllataña. Nanay waqay tukukunqa, Wiñaypaqmi kusikusun Diospa sumaq qayllanpi.

144

Jesuspa nisqanta willarimusun Tukuy huchallikuq runakunaman, Willananchispunin Qespichiqmanta, Llapa runapaq qespikuy kasqanta. coro Jesuspa k’anchayninpi purisun chayqa, Wiñay kawsaymanta yachaqasunchis, Jesuspa ñanninpi purisunchis chayqa, Pilluta chakisun hanaq pachapi.

145

Willananchispunin tukuy llaqtaman, Llapan runakuna qespikunanpaq, Cruzpi Cristo ñak’aripuwarqanchis Tukuy huchasapaq qespikunanpaq. Diosta yupaychasun tukuy sonqowan, Payllan huchamanta qespichiwasun, Tukuy llaki-phuti hamuwaqtinchis Qespichiqninchismi waqaychawasun

Cristotaqa suyashanin, Payqa kutimunqañan, Chay p’unchay chayamuqtinmi Paywan tiyaq ripusaq. Kusisqa kayta munani, Diosniypa wasinpiqa, Kay phutikuy pachapiqa Imapas llakikuyllan. Hanaq pachapi Cristoqa Ñoqatan qespichiwan, Supaypa makinmantaqa Paymi kacharichiwan. Cristowan kawsayniytaqa, Pitaq t’aqariwanman Wiñaypaqpunin ñoqaqa Diosniywan kawsakusaq. Huk sonqolla wawankuna Cristota suyakusun, Llakiypas waqaypas kachun Paymi waqaychawasun.

146

Hamuy huchasapa munakuq Jesusman, Qespichisunkipunin huchaykimanta, Jesuspi iñispa hap’ipakusunchis, Hanaq pachamantaq paywan ripusunchis. coro Qespichiqninchisman hamuy huchasapa, Payta chaskikuspan qan qespisqa kanki, Usqhayllata hamuy munakuqnikiman, Jesuswan wasinpi wiñaypaq kawsasun.

147

Munakuwaspanchis cruzpi ñak’arirqan, Millay huchamanta librawananchispaq, Yawar hich’asqanpi iñisunchis chayqa, Wiñaypaq kawsasunchis Paypa qayllanpi. Jesuscriston qoshan: Thak-kayta, samayta, Kawsayta, kusikuyta munakuytawan. Laqha huchamanta Pay horqoykuwarqan, Paytaq pusashawan wiñaypaq wasinman.

Atiyniyoq Diosnillayku Graciaykita qowayku, Chay hatun atiynillaykin Kallpachaykullawanku. Saminchaynikita, Qowaykupuni kunan, Askhatapuni qowayku Parata hinaraq. Diosniy, mañakamuykikun Chay Espirituykita.} Ch’uya-kaypi pusawayku Hatun atiynikiwan. Qanllapi iñiqkunaman Atiyta qoykuwayku, Qanllamanta waqyakuyku, Qanllamantan waqyakuyku, Tukuy iñiyniykuwan. Kay kamachiykikunata, Kallpachaykullawayku, Atiyniykita qowayku, Qanta servinaykupaq

148

Diosniy, simiykikunata Sonqoykupi takyachiy, Señor mañakamuykiku, Wiñarichinaypaq. Simiykita uyarikusqaykuta, Señor Qanllan ruruchiyta atinki. Ch’uya simillaykikunan, Sonkuykupi tarpusqa, Pallarqosqa kananmanta, Waqaychaykullawayku. Kunan uyarisqaykuta Sonqoykupi wiñachiy, Tullu kaqpas kallpanchaspa Waqaychasqataq kachun.

149

Pakakunaypaq Qaqa, Qanllan Jesusniy kanki, Qanllapunin atinki, Wiñaypaq waqaychayta, Huchaytapas maylliyta, Chay atiynillaykiwan. Maytaña waqaspapas, Allinta ruwaspapas, Huchamanta ayqeyta, Hayk’aqpas atiymanchu, Qanllan atiyniykiwan, Horqoyta atiwanki. Qanmi kanki qespiqniy, Wiñaypaq waqaychaqniy, Kay pacha kawsayniypi, Wiñaypaq pakakunay, Almallayta waqaychay, Wiñaypaq qespichiway.

150

Kawsayniykipi sak’usqa kaspa Willay Cristoman, willay Cristoman, Pisi kallpa, llakisqa kaspapas Willakullay Jesusman.

151

Willakuy Payman, willakuy Payman Jesusllan atiyniyoq, Manan kanchu Pay hina amigo, Payllapunin sapallan. ¿Wateqaychu atipashasunki? Qhaway Cristota, qhaway Cristota, Mana kallpayoqña kaspaykipas, Willakullay Jesusman. Wakinña qhepaman kutiqtinpas, Qatikuy Payta, qatikuy Payta, Ama hukkunataraq qhawaychu, Jesusllata qatikuy. Tukukuykama hunt’aqpuni kay, Suyakuy Paypi, suyakuy Paypi, Ñawpaqenpi wiñay q’ochukunki, Suyakuy Jesusllapi.

Señorniypaqmi ñoqa llank’asaq, Siminmanta lliwman willamusaq, Payllatan yupaychasaq, Paypaqpuni llank’asaq, Chay sumaq llank’ananpi.

152

Willaspa, willaspa, Señorniypa chay sumaq simillanta Dioswan rimaytapuni Sapa ratu munani, Chay sumaq llank’ananpi. Señorpaq sapa p’unchay llank’asaq, Lliw chinkasqankunata maskhaspa. Jesusmantaq pusaspa Munakuq Qespichiqman, Chay sumaq llank’ananpi. Señormi ñoqaq kallpanchaykuqniy, Hatun atiyninpi suyakusaq, Kashanraqmi llank’ana, Llapan Pay serviqpaqqa, Chay sumaq llank’anapi

Llank’aqkunatan Cristo Maskhan, Kaypi kaqkunata, ¿Pitaq kaymanta puriq kashan, Cristowan rinanpaq? May askhan llank’anaqa Señor, Manataq kanchu llank’aq, Iñiyniykuta yapawayku, Llank’aq rinaykupaq. Willaqkunatan Cristo waqyan, Paymanta willaqpaq, ¿Señorpaq llank’aq qan kawaqchu, Munayninta ruwaq? Llank’ay munaqpaqqa kashanmi, Cristopaq llank’ana, ¿Willawaqchu munakuyninta, Khuyakuynintawan? Qanri, ¿qespisqañachu kanki Diospa gracianrayku? Ama manchakuspa rimariy Qespikuy kasqanta.

153

Waqmanta tupaykuspan Qhawarinakunchisraq, May kusisqan kashanchis, Llapallanchis. Sonqonchismi kusisqa Mayta munanakuspa, Diosman graciasta qosun Llapallanchis. Kusikuywan rikuykiku Kaypi kaq wawqekuna, Kusikuywantaq niyku: Allinpuni hamullanki. Huktawan tupaykuspan ¡Kusikunchis! Diosqa kunankamataq Waqaychaykamusunki, Puriypipas pusaspa, ¡Kusikuymi! Waqaychaykurqasunki Mana allin kaqmanta, Atiyninyoq Diosninchis, ¡May munakuq! Kaq munanakuyllapi Dios waqaychaykuwasun, Payman wikch’uykukuspa Yupaychasun. Wiñaypaq huñukuypin Mana t’aqakusunchu, May kusikuymi kanqa ¡Diosninchiswan!

154

Huk tutapin, munakuywan Lliwlla puñushaqtinku, Ch’askakuna k’anchashaqtin hina, Jesusqa kay pachapi nacerqan, Sumaq ch’askanmi k’ancharqan, Thak-kayninta willaspa. Huk tutapin, michiqkuna Belen llaqta qayllapi, Algelkunaq takiykusqankuta Uyarirqanku sumaq kasqanta, Thak-kayninmanta willaqta, Qespichiqninchismanta. Huk tutapin, Pesebrepi Paqarimurqan Jesus, Chay sumaq glorianta saqemuspa Kay pachapiña rikuchikurqan, Wiñaypaq khuyakuyninta, Munakuq Qespichiqqa

155

Ch’uya munakuywan huñusqata, Munakuq Diosmi saminchaykunqa, Payllan llapa kawsaqta waqaychan, Kay sasa kawsana pachapi. Warmi-qharin huñukapushanku Sumaq munanakuypi kaspa, Diospa saminchanta chaskispanku, Jesusllapi suyakuspanku.

Señormi paykunata watukun, Kay sumaq casarakuyninkupi, Wiñay kawsay ñanpitaq pusanqa, Wiñaypaq huñuykukuqtinku. Kay pachapiqa imapas tukukuqllan, Lliwmi kaypiqa chinkapuqlla. Chaymi cheqaq Dioswan kawsayllapi, Kusi kawsay sumaq kay kashan. Diospa ñawpaqenman chimpaykukun, Cheqaqta munanakuspankuña, Diosllan qoykunqa tukuy allinta, Kusisqalla kawsanankupaq. Kay pachapi mayqenninkumanpas Sinchi llaki hamunan chayqa, Atiyninyoq Diosllan kusichinqa, Payllan wiñaypaq waqaychanqa.

156

Kay llaki pachapin, wakcha kaypi kani, Cristoq tiyananpin ñoqaq wasiy kan. Chinkasqan karqani kay hucha pachapi Cristollan khuyaspa qespichikuwan. //Diospa wasinpin, Diospa wasinpin Hanaq pachapin ñoqaq wasiyqa, Chay wiñay pachapi// Kay pacha kawsaypi, waqayllan, llakillan, Mana allin kaqwan churanakuyllan, Munakuq Jesusmi kayman hamullarqan, Millay huchamanta horqowananpaq. Lliw runakunatan Jesucristo waqyan, Wiñay-wiñaypaqña qespichinanpaq. Lliw iñiqkunapaq chay sumaq glorianpi Cristo wakichishan wasikunata

157

¿Imaynan kanman kawsayniyqa Mana Jesusniy hamuqtinqa? ¿Imaynan kanman purisqayqa Mana yawarninta hich’aqtin? //Huchallaypichus chinkapuyman Infiernopaqchus kawsashayman// Wañuynillanmi qespichiwan Yawarnillanmi ch’uyanchawan Yana sonqoyta yuraqyachin Simillantaqmi yachachiwan //Kamachisqanta hunt’anaypaq Diosniytapuni servinaypaq// Chaymi noqapas yupaychasaq Qespichiwaqniy Jesustaqa Tukuy sonqoywan yuyayniywan Khuyakuqnillay Diosniytaqa //Saqraq makinpi kashaqtiymi Atiynillanwan qespichiwan//

158

Kay pachaqa laqhayaqmi Runakunan huchallapi Millay saqraq atiyninwan Llaqtakunan maqanakun Manan kanchu munanakuy, Nitaq kanchu Dios manchakuy. Asuykamuy rumi sonqo Iñikullay Jesusllapi Jesucriston cheqaq k’anchay Ch’uya Diospa sapan Churin Payllapunin qespichikuq Payllataqmi kawsachikuq Simillanmi yachachiwan Espiritun hunt’aykuwan Cheqaq Dioswan purinaypaq Runakuna khuyanaypaq Simillanta willanaypaq Runamasiy pusanaypaq.

159

Ñoqan ripusaq Cristo Jesuswan, Qespichiqniymi pusakuwanqa, Hanaq pachaman kusi glorianman, Wiñay kaysayman sumaq k’anchayman, Iñiqkunawan q’ochukunaypaq, Algelkunawan takiykunaypaq.

160

Haku ripusun Qespichikuqwan, Weqe pachata saqeykapusun, Ch’uya Diosllata yupaychamusun, Tukuy Kamaqta adoramusun, Cristo Jesuswan tiyakamusun, Huchallanchista pampachaykuqwan. Llank’anaykichus ruwana kashan, Qolqellaykichus qhawana kashan, Kawsayniykichus chiskasqa kashan, Purisqaykichus wañuyman rishan, Kutirikuyña Cristo Jesusman, Qespichikuqqa kawsachisunkin.

Tiempokunaqa willakushanñan P’uchukay chayamunanta, Ch’uya Qelqapas sut’inchashanñan Ñak’ariy chayamunanta, Ñawiykitachus ch’illmiykushanki Rumi sonqo runa, Qespichiqtachus negaykushanki Huchasapa runa. P’unchay-p’unchaymi huchaykiwanqa Diosta phiñachishanki, Huchallaykipi kawsaspaykiqa Jesustan chakatashanki, Wañupunayki p’unchay hamuqtin Pillan qespichisunki, Taripay p’unchay chayamuqtinqa Pillan kawsachisunki. Ama suyaychu usqhayta chimpay Diosmi qespichisunki, Paqtan qhepawaq. Paqtan waqawaq Huchaykipi chinkaspa. Qespichiq Criston waqyashasunki Payman asuykullayña Cristo Jesusmi munakusunki Payta chaskikullayña.

161

Cheqaqtapunin munakurqanki Khuyakuq Diosnillay, Teqsi-muyuntin huchasapata Qespinaykipaq Diosnillay. Wañunaykutan Churiyki wañurqan Khuyakuq Yayallay, Muchunaykutan Jesús muchurqan Calvario cruz patapi. Runakunan mana iñinkuchu Qespichiq Jesuspi, Sonqollankun sinchi laqhayasqa Qespichiq neganankupaq. Kutirikuy Qespichiqninchisman Rumi sonqo runa, Qespichikuqmi waqyashasunki Cieloman ripunaykipaq

162

Adorasqaykin munakuq Diosniy, Yupaychasqaykin Señor Jesusllay, Ancha munakuq kasqaykimanta, Sevikusqaykin Qespichiqllay, Yupillaykitan qatikusqayki, Kamachiykitan kasukusqayki. Hanaq pachamantan hamurqanki, Rantillaypiña wañunaykipaq, Yawarniykita hich’anaykipaq, Huchaykunatan pampacharqanki, Qanllapipuni iñinallaypaq, Qanllatapuni hatunchanaypaq. Anchatapuni munawaspaykin Espirituykita qowarqanki, Yachaynikitan qoykuwarqanki, Qelqallaykita yachaqanaypaq, Yachaykuspataq willarinaypaq Imachus yachachiwasqaykita. Ñoqatapunin akllawasqanki Evangelioyki willamunaypaq, Runamasiyman yachachinaypaq, Ñawpaqekiman pusamunaypaq, Yanapaykuway Qanman pusayta, Kallpachaykuway atiynikiwan.

163

Qayllaykimanmi hamuni Huchallaypa nit’iykusqan, Ima kaqllan qayllamuyki Yana huchay aparisqa, Ancha munakuq kaqtiyki, Khuyapayakuq kaqtiyki, Chaskiykuway Jesusnillay, Pampachaway huchallayta. Rumi sonqoyta t’ikraway Aycha llamp’u sonqollawan, Ch’uya unuwan maylliway Ch’uyay-ch’uya kanallaypaq, Espirituykita qoway, Ñanniykipi purinaypaq Kamachiyki ruwanaypaq, Wawaykipuni kanaypaq. Yuyayllayta yapaykuway Qanllamanta yuyanaypaq, Simillayta paskariway Evangelio willanaypaq, Ñawillayta kichariway Qelqallayki leenaypaq, Leellaspa willanaypaq, Runa.masillaykunaman.

May ñanpiña kashaqtiypas Makiymanta pusariway, May llaqtapi kallaqtiypas Ñanniykita riqsichiway, Kawsayniypi yanapaway, Qanpaq hina purinaypaq, Mosoq runa kallasqayta Tukuy runaq rikunanpaq.

164

¿Qanri maymantaq rishanki, Mana Señorman chimpaspa? ¿Maymanpunitaq rishanki, Diosmanta karunchakuspa?

165

//Usqhayllataña Diosman chimpay// 1 Tukuy huchata saqespa, 2 Almaykin samayta munan. Kay pachapi kawsayniyki, Sinchi llaki weqe kawsay, Yarqay ch’akiymanta muchuy, Manan kanchu khuyanakuy. Manañachu manchakunki, Saqran runata watashan, Laqha phuyu hinaraqmi Hucha runata t’aqashan.

Santa Qelqaqa Diospa siminmi Kusi kawsaymi, Sonqoypi kawsayniypipas. Diospa siminqa May hina sumaq Almallaytapas q’ochuchin Llakikuyniypi. Atiyniyoqmi Diosniyqa Santa Qelqanwan T’ikrawan kawsaynillayta. Sumaq siminpas Espejo hinan Lliw huchaytapas Rikuchin kawsaynillaypi

166

Aswan Jesusta munani, Aswan huchay atipayta, Aswan cheqaq kusikuyta, Aswan munaynin ruwayta. Aswan munakuyta, Aswan yupaychayta, Aswan sumaq kusikuyta, Aswan munaynin kasuyta. Aswan Jesuswan puriyta, Aswan kamachin hunt’ayta, Aswan munaynin yachayta, Espirituwan hunt’aspa. Aswan Jesús mañakuyta Aswan kuskalla kawsayta Aswan siminpi yuyayta, Aswan nisqan kasukuyta. Aswan Jesuspi kawsasaq, Aswan Pay hina kawsasaq, Aswan k’anchaypi tiyashaq, Chay hanaq pacha suyunpi.

167

¿Iman pampachawanman? Jesuspa yawarnillanmi ¿Sonqoytapas t’ikranman? Jesuspa yawarnillanmi. Ancha chaniyoqmi, Jesuspa yawarninqa, Pichan lliw huchata, Jesuspa yawarnillanmi. Huchamanta horqowan, Jesuspa yawarnillanmi, Ch’uyatapas ruwawan Jesuspa yawarnillanmi. Allinta kawsachiwan, Jesuspa yawarnillanmi, Atiytapas qowan, Jesuspa yawarnillanmi. Diosniyta yupaychasaq, Jesuspa yawarninmanta, Kusikuywan takisaq, Jesuspa yawarninmanta.

168

Cristoq soldadonmi kani, Kamachinmi kani, ¿Manchaymanchu cruz apayta, Payrayku muchuyta? Jesusmanta rimarisaq, Payllapi iñisqayta, Atiynin yanapawanqa, Paymanta willasaq. Asqhapunin iñiyrayku, Maqanakurqanku, Ñoqapas Jesusniyrayku Manan manchaymanchu. Tukuy sonqon purikusaq, Jesuspa qhepanta, Mana qhepaman kutispa, Gracianpi kawsaspa.

169

Munakuq qespichiq Jesus, Kay pachaq k’anchaynin kanki, Qanllapunin k’anchawanki, Qanllatan qatikusqayki. Wañurqanki Qan Jesusniy, Huchayrayku chay kurkupi, Qanpaq kachun munakuyniy, Yuyarisqaykin sonqoypi, Munakusqaykin qanllata, Kallpanchaway kawsayniypi. Ñoqa chinkasqa kashaqtiy, Ñoqa maskhaq hamurqanki, Munakuykin Qespichiqniy Tariwasqaykimanta. Munakuyniykin Jesusniy, Ni hayq’aqpas pisinqachu, Qespichiqniy Qanllapuni Wiñaypaq yanapaykuway.

170

Diosniy, hamuni mañakuq, Kay pacha sinchi llakisqa, Qanman hamuni iñiywan, Willakusqayki llakiyniyta, Cheqaqtan Qanpi tarini, Wateqaypi pakakuyta, Imaymanatan chaskini, Diosniy Qanmanta mañakuspa.

Diosniy hamuni mañakuq, Sumaq Jesusniypa sutinpi, Waqyakamuyki iñiywan Atiyniykita suyakuspa, Uyariway sumaq Diosniy, Qoway saminchayniykita, Anchatan kallpanchakusaq, Diosniy Qanmanta mañakuspa. Kunan Diosniy mañakuyki, Kawsayllayta kallpanchaykuway, Kay waqay llakiy pachapi Mañakuspalla kawsanaypaq, Maypachachus ñoqa kasaq, Qanwan kuska qayllaykipi, Mañakuyniy tukupunqa Wiñay-wiñay yupaychayllaman

171

Santo Espiritu hamuway Kay wakcha sonqollayman, Hunt’aykuway, Qan kikiyki, Tiyanaykita ruway. Hunt’aykuy kunallan, Hunt’aykuway sonqoyman, Santo Espiritu hamuway Sonqoyta kawsarichiy. Gracia qosqallaykiwanmi Sonqoyqa llimp’ashanraq, Hamuy anchata suyayki, Kunan saminchaykuway.

Pisi kallpayoqmi kani, Qanman chimpaykamuyki, Graciaykipi wiñachiway, Ñoqata kallpanchaway. Santo Espiritu Qanpunin Kanki Diospa qokuynin, Qanllan kusichiqniy kanki, Qanllawanñan kawsasaq. Hamuy kunan hunt’aykuway, Kaypin suyakushayki, Hamuy wiñay pusaqnillay, Munayniykita ruway

172

Cheqaq munakuywan Cristota suyasun, Pay kutimuyninpi Pusawananchispaq. Hanaq pachapin Sumaq kawsay kan Sapankamantaq Qori pilluta qonqa. Tuta p’unchay Mana sayk’uspa mañakuy Paqtataq supaywan Atipachikuwaq. Dios Yayan qosunki May sumaq yachayta Llamp’u sonqotapas Sumaq kawsaytapas. Uyariy siminta Diospa rimasqanta Ama kutirispa, Nitaq iskayaspa

173

//Wawqe-panakuna haku Señor Jesusman// //Huchaykikunata willay Pampachasunkin// //Cristo qespichiqninchista Uyariy kunan// //Mana kasukunki chayqa Huchachasunkin// //Kunanpacha k’umuykukuy Señor Jesusman// //Payqa suyasunkin qanta Asuykullayña// //Awqataqa huchataqa Atipaypuni// //Señor Diospi hap’ipakuy Vencenkipunin

174

¿Imataq kanki huchayoq runa, Diospa siminta neganaykipaq? Runaq nisqanta yachaykuspachu Allin yachaqman tukuykushanki Diospa Churinta negaykushanki. Kay sumaq hallp’a tiyasqanchisqa ¿Kikinmantachu paqarimurqan? Inti killaqa, ch’askakunaqa, ¿Kikinmantachu kamaykukurqan? ¿Payllamantachu rikhurimurqan? Gloria kawsaypi tiyaq Diosniymi Kay pachataqa kamaykullarqan, Mikhusqaykita, ukyasqaykita, Kawsayniykita, purisqaykita, Tukuytapunin Diosqa kamarqan

175

Jesucristo huk amigo May munakuq, Llakipipas kusichikuq Jesucristo. Wañurqan Pay amigoqa Chakatasqa ñoqarayku, Hinallataq qanraykupas Khuyakuwasqanchisrayku. Jesucristo amigoqa Chaskikuqmi, Pisi kallpa kawsaqtapas Yanapaqmi. Huchaymanta wañunaytan Pay wañurqan, Infiernoman rinaymantan Qespichiwan.

176

Perú suyutan Diosninchis munan Qespichinanpaq, Perú llaqtatan Diosninchis suyan Qespikunanta. Calvariopin muchullarqan, Cruzpi wañurqan, Yawarninta hich’allarqan Wañuchiqtinku. Kallpachakusun Diospi iñispa Llapan peruano, Perú suyunchista qespichisun Diospa llaqtanpaq. Perú suyuqa Cristoqmi kanqa Paypi iñiqtin, Huk sumaq suyu Diosnin yupaychaq Mosoq llaqtataq.

177

Apu Diosmi michikuwaqniy, Manan ima pisillawanchu, Llanllarishaq q’achukunapin Sirichikullawan ñoqata Samachikuq unu-unupin Payqa michikullawan. Almallaytan kallpachallawan, Sutillanta khuyasqayrayku, Allin ñanta pusakullawan, Wañuy llanthu wayq’ollapiña Purisqaypi karqollaqtiypas, Payllapunin ñoqawan. Ñoqallawan kasqaykiraykun Mana manchakullaniñachu, Tawnallaykin varallaykiwan Usqhay-usqhay kallpachallawan. ¿Imapaqtaq llakikullayman Qanlla kashallaqtiyki? Qanllataqmi ñoqallapaqqa, Cheqniqniypa ñawpaqenpipas Mikhunayta churapuwanki, Umaymanmi churaykuwanki Sumaq-sumaq aceitiykiwan, Copaytaqmi llimp’ashan. Tukuy allin saminchaykiqa, Llapa khuyakuynillaykipas Sapa p’unchaypunin ñoqawan, Ñoqallaypa kawsaynillaypi, Diosnillaypa wasillanpiqa Wiñaypaqmi kawsasaq

178

Wawallayki kaspan hamullayku Cenaykiman, Jesusllay, Rantisqayki kaspan yuyariyku Kay ruwayta, señorllay. Qanmi rantiykupi wañurqanki, Ñak’arispa Jesusllay, Yawarnillaykitan hich’arqanki Ñoqaykupaq, Jesusllay.

T’antapitaq kunan yuyariyku Cuerpoykita, Señorllay, Vinopipas yawarnillaykita Llapallayku Qespiqllay. Sumaq Santo Espirituykiwan Saminchaykullawayku, Señorllayku qollawaykupuni Kallpaykita Jesusllay.

179

Sonqoypi llakikuy kaqtinqa, ¿Imataq qechunman? Sonqoypi tiyakuq Jesusllan Willaqtiy horqonman. Sonqoypi manchakuy kaqtinqa, ¿Imataq horqonman? Sonqoypi kawsakuq Jesusllan Mañaqtiy qechunqa.

Sonqoypi huchapas kaqtinqa, ¿Imataq mayllinman? Sonqoypi tiyakuq Jesusllan Willaqtiy manllinqa. Sonqoypi tiyakuq Jesusta ¿Imataq qarqonman? Llakiypas muchuypas manañan, Wiñaypaq kanqachu

180

Ancha munakuq allin taytaqmi Iskay churin kapurqan, Sullk’an kaqñataq riyta munaspan Kay hinata niykurqan: “Taytay qopuway tupawaqniyta Llapan herenciallayta” Qoyqapuqtinmi qolqecharqospa Ripukurqan karuta, Munay llaqtaman chayaykullaspan Kaypi chaypi qolqenta, Huchapi amigowan purispa Lliwta tukurqokurqan. Muchuy kasqanman chayaykuqtinmi Wasin-wasin purirqan, Qolqen tukuyseq-masinkunapas Mana qhawariqtinmi, Llakisqa khuchi michiq haykuspa Yarqayllapi kallarqan. Yuyaynillanta hap’ikuspanmi, Chayraq nirqan khaynata: “Kunan, taytaypa runankunaqa Saqsaykusqan kashanku, Ñoqallayñataq muchuykushani Sinchi yarqayllapiña” Usqhayllataña hatarirqospan Usqhay kutiripurqan, Taytan churinta reqsirqollaspan Usqhayllataraq ayparqan, Makillantapas mast’arparispan Oqllaykuspa much’arqan. Hatun huchanta reqsikuspanmi Nirqan: “Huchallikunin” Manan “churiy niwanaykipaqqa Chaninñachu kallani” Niqtinpas pisiqninta qoykuspan Kusikuspa chaskirqan.

181

Ima sumaqtan kamaykurqanki Ñawillaykunaq rikuykusqanta Alton phalashaq urpikunata Mayukunata, orqokunata Mama qochapi challwakunata Inti, killata, ch’askakunata.

Tukuy imata kamaykuspaykin Sapan runata kamaykurqanki Riqch’aynikiman rikch’ayniyoqta Paraisomanmi churakurqanki Kamasqaykipi q’ochukunanpaq Inti killata rikuykunanpaq. Chaymi ñoqaqa yupaychamuyki Sonqollaytapas mast’arimuyki Kamasqaykipin q’ochukushani Ima sumaqta rikuykullaspa Kamasqaykipin kusikushani Sumaq-sumaqta qhawarillaspay.

182

Munakuqniy Diosnillay, Atiyniyoq Jesusllay, Sonqollayta t’ikraway Qanwan kawsanaypaq. //Iñiyllaymi pisiwan Kallpallaymi chinkawan Yuyayllaymi pisiwan Huchaypa ñit’isqan// Munakuqniy Diosnillay, Khuyakuqniy Jesusllay Iñiyllata qoykuway, Qanwan purinaypaq //Sonqollayta kallpanchay Ruwayllayta sut’inchay Yuyayllayta yapaway Tukuy ruwanaypaq//

Wañusqaña kashaqtiy, Huchallapi kashaqtiy, K’aspi cruz patapiña Qan muchullarqanki. //Diosta negaykushaqtiy Laqhayaqpi kashaqtiy Awqaq makinmantaña Qespichiwarqanki

183

Huchallapin ñoqa purirqani Sonqollaymi rumiyasqa karqan Ñawillaymi ñawsayasqa karqan Kamaqniyta mana reqsiykukuspay Aqo t’iyu huchaykunawanmi Jesusnillaytaqa chakatarqani. Manan allintachu ruwarqani Huchallaypi purispa misk’arqani Chakiymanta umay kamapunin Onqosqallapuni kawsakurqani Qespicheqta mana reqsispaymi Wañuy ñanllapiña purisharqani. Ancha munakuqniy Jesusllaymi Llumpay chinkasqata maskawarqan K’aspi cruz patapi wañuspanmi Wañuy pachamanta horqomuwarqan Ñukñu yawarninta hich’aspanmi Saqraq makinmanta horqomuwarqan. Yupaychaykullanin Jesusllayta Wañuymanta horqomuqnillayta Sonqollaytan Jesusniyman qoni Chaypipuni Payqa tiyakunanpaq Kawsayniytan Qespicheqman qoni Kamachikusqanta ruwanallaypaq.

184

Kallpanchakuy wawqe – panallay Cielomanña ripunaykipaq Yuyaychakuy wawqe – panallay Pillutaña chaskinaykipaq Jesuspunin yanapasunki Paywan kuska purinaykipaq Espiritun yanapasunki Simillanta willanaykipaq Jesuswanña purispanchisqa Awqatapas atipasunmi Diosninchista yupaychaspanchis Paywan kuska ripunanchispaq Amapuni manchakunkichu Llakiykuna hamusuqtiyki Amapuni pisipankichu Wateqayña hamullaqtinpas Manan imapas t’aqawasunchu Diosninchispa makinmantaqa Manan imapas t’aqawasunchu Jesucristoq makinmantaqa Yuyaykukuy Ch’uya Qelqapi Pillawanchus purinaykita Yuyaychakuy Santa Qelqapi Pillatachus servinaykita Kawsaq Diosta servinaykipaq Wiñay wiñay kawsanaykipaq Cheqaq Diosta servinaykipaq Paywan kuska ripunaykipaq

185

Kallpanchakuy wawqe – panallay Cielomanña ripunaykipaq Yuyaychakuy wawqe – panallay Pillutaña chaskinaykipaq Jesuspunin yanapasunki Paywan kuska purinaykipaq Espiritun yanapasunki Simillanta willanaykipaq Jesuswanña purispanchisqa Awqatapas atipasunmi Diosninchista yupaychaspanchis Paywan kuska ripunanchispaq Amapuni manchakunkichu Llakiykuna hamusuqtiyki Amapuni pisipankichu Wateqayña hamullaqtinpas Manan imapas t’aqawasunchu Diosninchispa makinmantaqa Manan imapas t’aqawasunchu Jesucristoq makinmantaqa Yuyaykukuy Ch’uya Qelqapi Pillawanchus purinaykita Yuyaychakuy Santa Qelqapi Pillatachus servinaykita Kawsaq Diosta servinaykipaq Wiñay wiñay kawsanaykipaq Cheqaq Diosta servinaykipaq Paywan kuska ripunaykipaq

186

Munakuq Jesúsllayqa Nisqantapunin hunt’ashan Khuyakuq Jesúsllayqa Cheqaqtapunin khuyawan Kaypiña maypiña puriqtiypas Sumaqtan waqaychaykuwan Awqaña millayña hamuqtinpas Allintan waqaychaykuwan. //Jesústapunin servisaq Cheqaq chanin sonqoywan Payllan khuyakuwarqan Huchapi wañunaymanta// Diosnillaytan ñoqaqa Tukuy sonqoywan servisaq Jesúsllayta ñoqaqa Payllatapuni khuyashaq Payllapunin qespichillawan Huchapi wañunaymanta Payllapunin yachaykachillawan Simillan willarinaypaq Espiritu Santollan Yuyaynillayta kichawan Chay sumaq simillanmi Mosoq yachayta qoykuwan Kaypiña maypiña puriqtiypas Simillan sut’inchanaypaq Sinchi chinkasqa runakunaman Simillan willarinaypaq.

187

//San Juan chunka tawayoq Ch’uya Qelqapin Jesusqa rimashan// Cheqaq Taytaypa wasinpiqa Pacha kamaqpa glorianpiqa Askha wasin kashan Kutimuqtiymi ripusunchis Maypichus noqa kani Chaypi kawsanaykichispaq //Ima sumaqmi kashan Munakuyllayki Qespicheqnillayku// Ñawiykuq mana rikusqanmi Sonqoykuq mana yuyasqanmi Tiyananchis kashan Pacha Kamaqpa gloriallanmi Cristo Jesuspa wasillanmi Tiyananchis kashan

//Chaymi suyakushani Kutimunanta Qespicheqniytaqa// Ñawiykuq mana rikusqanmi Sonqoykuq mana yuyasqanmi Tiyananchis kashan Pacha Kamaqpa gloriallanmi Cristo Jesuspa wasillanmi Tiyananchis kashan.

188

Sodomatan Gomorratan Cheqaq Diosqa ruphachirqan Runakunan kawsarqanku Millay-millay huchallapi Kawsaq Diospa qayllallanpi. Lot-runallan lloqsimurqan Ayllullantin llaqtanmanta Angelkunan horqomurqan Huchataña saqepuqtin Yayallanta yupaychaqtin

Jesucristo hamuqtinpas Chay hinallataqmi kanqa Ch’askakunan urmamunqa Llaqtakunan waqaykunqa Mana iñiq muchullanqa. Evangelion mosoq kawsay Kawsaq Diospa simillanmi Jesuspunin khuyasunki Lot-ta hinan horqosunki Millay-millay wañuymanta.

189

Onqosqapas nanasqapas Diosninchista yupaychasun, Wasipipas puriypipas Payllataña hatunchasun, Chaytan Diosqa munan Paywanpuni kananchista Tukuy sonqopuni Sutinta yupaychananchista. Llakikuyña hamuqtinpas Diosllapi hap’ipakusun, Pisi kallpaña kaspapas Mañakusun kallpachayta Chaytan Diosqa munan Paywanpuni kananchista, Diosmi atiyninwan Wawanta kallpachawasunchis. Qespichiq Jesusninchista Yupaychasun tukuy sonqo, Paymi lliw huchanchismanta Wañuyninwan qespiwanchis Chaymi Jesustaqa Tukuy sonqo servinanchis, Mana iskayaspa Payllata qatikullasunchis.

190

Munakuq Yayatan, khuyakuq Jesustan Noqaqa yupaychani, Qespichikuqtan pacha kamaqtan Noqaqa adorani, Munaykukuq sonqollanwanmi Atiyniyoq makillanwanmi Yachachikuq simillanwanmi Yachaykachiwan Payllawanpuni purinaykipaq Wiñay wiñay kawsanaypaqmi Qespiykachiwan. Qoritachus qoyman, qolqetachus qoyman Munakuq Diosnillayman Wasiytachus qoyman Kaqniytachus qoyman Munakuq Yayallayman Mana noqaqqa imaypas kanchu Q’alallapunin nacemurqani Mamallaypa wiksallanmanta Hucha pachaman, Kay sonqollay qoykuwasqanta Kawsaynillay t’ikrawasqanta Payman qopuni.

Munakuqniy Diosniy, atiyniyoq Yayay Kallpata qoykullaway Qespichiwaqniy, munakuqniy Diosniy Yuyayta qoykullaway Qespichisqaykin ñoqaqa kani Mosoq wawañan ñoqaqa kani Yawarnikiq chaninmi kani Qanwan kanaypaq Espirituykin yanapashawan Payllapunin kallpachashawan Hucha venceyta.

191

Judiokunan cheqnikurqanku Fariseokunan hap’ichirqanku Caifáspamanmi apaykurqanku Señor Jesusta k’aminankupaq Pilatomanmi apaykurqanku Señor Jesusta juzganankupaq. Kiska pilluta ruwarqospankun Uman pataman churaykurqanku Huk pilarmanmi wataykurqanku Soldadokunaq waqtanankupaq Soqostataqmi hap’ichirqanku Diospa Churinqa qespikuy, nispa Judiokunan qaparirqanku Nazareno-ta chakatay, nispa Barrabástataq kacharirqanku Qespichiqtataq sentenciarqanku Huk llasaq cruzta apamuspanku Rikran patapi q’epichirqanku. Calvariopitaq chakatarqanku Clavokunawan takaykurqanku Lanzakunawan k’iriykurqanku Espadawantaq t’urpuykurqanku Soldadokunan qaparirqanku Cheqniqkunataq asikurqanku Chhaynatapunin Jesús muchurqan Noqanchisrayku cruzpi wañurqan Llapa iñiqta qespichinanpaq Wiñay kawsayta qoykunallanpaq.

192

Señor Jesús yanapaykuway Ch’uya simiyki willanallaypaq Huchasapa runakunata //Chakiykiman pusamunaypaq// Kamachin Josuétan nirqan Qan kallpachakuy allintapuni Qanwanpunin ñoqa kashani //kamachisqay hunt’anaykipaq// Kamachin Pablotan nirqan Roma llaqtaman chayanallanpaq Ñoqallan yanapasqayki //Simillayta willanaykipaq// Kallpachakuy wawqe-panallay Paykuna hina willanaykipaq Señorpunin qanwan kashanqa //Chinkasqakuna pusanaykipaq//

193

Sinaí orqopin Diosqa willarqan Moisés kamachin ruwananpaq, Rimaykusqanta qelqanallanpaq, //Teqsi muyuntin yachananpaq//. Ch’uya Qelqaqa Diospa siminmi Huchayoqkuna kutiricheq, Santa Qelqaqa sumaq yachaymi //Mana yachaqta yachachiqmi// Ima sumaqmi Ch’uya Qelqaqa Qespicheqniypa simillanmi, Ñawiykunatan kichariykuwan //Mosoq yachayta yachanaypaq// Ima sumaqtan Jesús willarqan, Espirituntaq sut’inchawan, Runakunaman willarinaypaq, //Kamachisqanpi purinaypaq//

194

Uyariykukuy huchayoq runa Diosninchispa munaykuynillanta, Jesucriston qanta khuyasunki //Wiñay kawsay qonasuykipaq// Tukuy kaqpas manan qanpallachu, Mikhusqayki, p’achakusqaykipas, Tukuy kaqtan Diosqa kamarqan //Runakuna kawsachinanpaq//

Qespikuyqa llapa runapaqmi Hatun Yayaq munakuynillanqa, Runakuna qespichinanpaqmi //Jesucristoqa cruzpi wañurqan// Uyariykuy Diospa simillanta Kawsaytaña chaskinallaykipaq, Kay pachaman k’askaykukuspaqa //Wiñaypaqmi chinkaykapunki//.

195

Sumaq Diosnillayku Graciastan qoykiku, Munasqa mamayku Qespisqaykimanta. Munakuq Diosniyku Yupaychamuykiku, Mañakamuykiku, Saminchayniykita, Sumaq mamaykuman Qoykunallaykupaq. Sumaq Señornillayku, Qanmi kawsay kanki, Munasqa mamayku Kawsachinaykipaq. Mañakamuykikun Llapan wawakuna, Mamayku kasuyta Yachachikuwayku.

196

Lidia sutiyoq warmiqa, P’achata qhatuqmi karqan, Filipos hatun llaqtapi. Kay warmiqa manataqmi Qhatunallapichu kawsaq, Diostapas yupaychallaqtaq. Chaymi mayu cantollapi, Askha warmikunapiwan Huñunaykukuspallanku, Cheqaq Diosta yupaychaqku. Kunan p’unchay ñoqanchispas Chhaynata yupaychanapaq. Ñoqanchis kamachinkuna, Imatataq ruwashanchis Qespicheqninchis Señorpaq, Llank’ashanchischu Jesuspaq, Yupaychashanchischu Payta, Tiatira llaqtayoq hina.

197

Jesucristoman, kunan Hamullayña, usqhay Qespichisunki, qanta Chimpaykullayña. Jesucristoqa, kunan Punkuykipiñan, kashan Suyashasunkin, qanta Qayllaykullayña. Hark’ashasunki, Hamunaykita Huchallaykichu, Hamukullayña.

iman kunan icha

Manchakuyñachu, ama Iskayrayaychu, ama Sayariykuspa, kunan Asuykullayña. Qori qolqechu, Qespichisunki, Jesucristopi, Iñiynillaykin.

manan qanta arí

Qespichiqninchistachus Chaskiykukunki chayqa, Kusi kawsayniyoqmi Wiñaypaq kanki.

198

Santa Qelqan ñoqapaq, Diospa simillanpuni, Tuta p’unchay anyaykuwaqniy. Pantay ñanta riqtiypas, Usqhay rimaykuwaspa, Diosnillayman kutirichiwan. Sapa qhawaykuqtiymi, Diosllaymanta willawan. Ñoqa kaypi manchakullaspa: “Manan atiymanñachu Kutipusaq niqtiypas, Ama kutiychu” niykullawan.

Tukuy rikch’aq huchawan Supay muyuwaqtinmi, Sumaq simillawan niykuwan: “Jesusllaman asuykuy, Paymanpuni willakuy Qespinasuykipaq” niwaspa. Lliw qelqasqa kaqkunan May sumaqta willawan, Yuyaymanña kawsakunaypaq. Qespichisqa kaspaymi, Cielomanña rishani Qespichiqnillaywan tiyakuq.

199

Ñoqallaykun hamullayku Jesusniykuq sutinpi Dios Yayay, nispayku, Jesusniykuq yawarninwan Wañuymantapas qespisqa, Sonqoykupas mayllisqa, Churillaykiq sutillanpitaq Dios Yayay, niykiku.

Karunchasqan kallarqayku, Huchaykupi Qanmanta, Sumaq simiykita Chaylla uyariykuspaykun, Jesusniykuq qayllanpi K’umuykukullarqayku, Pampachasqa kallaspaykutaq Asuykamuykiku. Kaypin kunan llapallayku Jesusniykuraykulla, Dios Yayay, nispayku, Sonqoykupi kusikuspa, Munakuywan takispa, Simiykita chaskispa, K’umuykamuykiku Qanllaman Dios Yayay, nispayku.

200

Ima sumaqmi Diosman takipuy, Sumaq-sumaqmi Paywan tiyakuy, Wañuymantan horqollawanchis, Sonqonchistan t’ikrapuwanchis, Paymi hoqarin wakchakunata, Thunichinñataq millay runata, Takipusun Yayallanchispaq, Jesusllawan Qespiqnillanchispaq. Qoyllurkunapas yupasqallanmi, Ch’askakunapas reqsisqallanmi, Diosllanchisqa atiyniyoqmi, Yachayninpas wiñay-wiñaymi. Phuyullanwanmi pakariykamun, Sumaq parantan chayaykachimun, Kawsayllatan rikhuriykuchin. Atiyniyoq Diosnillanchisqa.

Wik’uñakunan tarin q’achuta, Urpikunapas sumaq mikhuyta, Kusisqallan puriykachanku Saksaykusqan phawaykachanku. Diosmi kusikun kamarisqanwan, Tukuy riqch’aq animalkunawan, Yupaychasun Yayallanchista, Sapa p’unchay Uywaqllanchista.

201

Llakiymi hamullawan, Muchuymi ñit’iykuwan, Nanaymi saq’ariwan Onqoymi muyuykuwan.

Jesusllaypunin Uywakushallawan, Marq’ayninpipunin Waqaychakushawan, Makillanmantaqa Manan urmasaqchu. Cheqnisqan kawsallani, Sonqoymi llakikushan Yawartan waqashani. Jesusmi “hamuy” niwan, Paypunin kusichiwan, Paytaqmi hampiykuwan. Khuyakuqniymantaqa Wañuypas, ñak’ariypas, Manañan ima kaqpas T’aqallawanmanñachu.

202

Señor Jesusllay suyashallaykin Ñoqallayman Qan hamunaykita, Khuyakuqnillay yuyashallanin Kasqaykiman apawanaykita, Qespichiqnillay usqhamullayña, Qayllallaykiman pusawallayña. Unanchaykuqllay qhawarillaway Tukuy ima ñit’illawasqanta, Makiykita haywarimullaway, Clavokunaq k’iriykullasqanta, Jesucristollay kutimullayña, Muchuymantapas horqollawayña. Runakunan cheqnikushallawan Qanllataña munakusqayrayku, Kaypi chaypi wañunayta munan Sutillayki willarisqayrayku. Cheqaq Señorllay usqhamullayña, Waqaymantapas qespichillaway. Sonqollaymi willaykushallawan Usqhay Qanwan tinkuykunallayta, Almallaymi munaykushallanña Uyallayki rikuykuytapuni. Sinchi Khuyaqllay pusakullaway, Hukpaqkamaña hoqarillaway.

203

Cheqaq munakuq Diosniyku, Qanman chimpaykamullayku, Cristo Jesuspa Sutinpi Gracias, gracias nimuykiku. Huchapi kawsashaqtiyku, Llakisqa purishaqtiyku, Munakuywan niwankiku “Hamuy, qespichillasqaykin”. Wateqay hamuwaqtinku, Pisi kallpa kashaqtiyku, Qanlla kallpanchaykuwayku, Awqata atipasaqku.

Kay pacha kawsayniykupi, Wasipipas llak’aypipas, Saminchaykullawankiku. Chaymi yupaychamuykiku. Chiripi wayrapipas, Ruphaypi q’oñipiñapas, Maypiña kashaqtiykupas Qanllapunin ñoqaykuwan. Imamantan manchakusun, Atiyniyoq Dios kashaqtin, Yarqaypas waqaypas kachun Payllata yupaychallasun.

204

Qanman hamuyku Diosnillay, Atiynillayki mañakuq. //Qanpin atiy, kallpa kashan, Chayta qowayku Diosnillay// Llapa wawaykikunata, Qan Diosniy yanapawayku, //Simillaykiwan rimaspa, Kallpanchawayku Diosnillay// Kay sasa kawsay pachapi Sinchita hucha hunt’aykun. //Chaymi mañakuq hamuyku, Qanman khuyakuq Diosnillay// Ñanniykupi pusawayku, Qantaq k’anchaykullawayku. //Ama urmanallaykupaq, Wateqaymanpas Diosnillay//

Si m

205

26

Te loamos, oh Dios, Con unánime voz Porque en Cristo , tu Hijo, Nos diste perdón.

¡Aleluya! Te alabamos. ¡cuan grande es tu amor! ¡Aleluya! Te adoramos, Bendito Señor. Te loamos, Jesús, Quien tu trono de luz Has dejado por darnos Salud en la cruz. Te damos loor, Santo consolador, Que nos llenas de gozo Y santo valor. Unidos load A la gran trinidad Que es la fuente de gracia, virtud y verdad.

26

A ti, Dios mío, en oración, Con mi cuidado terrenal Allégame, y de corazón Te manifestare mi mal. ¡oh, cuantas veces tuve en ti Refugio de mi tentación! Y ¡cuantas cosas recibí De ti, Dios mío en oración!

83

A ti, Dios mío, en oración, Confiando en tu fidelidad Elevaré mi petición La voz de mi necesidad. Yo se que escucharas allá Que me darás tu bendición, Que fortaleza me vendrá De ti, Dios mío, en oración. Ahora, oh Dios, en oración Aliento y gozo a mi alma da; En este mundo de aflicción De orar necesidad habrá. Mas desde el día en que yo este Contigo en suma perfección, Mis oraciones cambiare En una eterna adoración.

83

Cariñoso salvador, Huyo de la tempestad A tu seno protector, Fiándome de tu bondad; Cúbreme , señor Jesús. De las olas del turbión; Hasta el puerto de salud, guía tu mi embarcación.

85

Otro asilo ninguno hay; Indefenso acudo a ti; Mi necesidad me trae, Porque mi peligro vi. Solamente en ti, Señor, Tengo yo consuelo y luz, Vengo lleno de temor A tus pies, Señor Jesús. Cristo salvador, en ti Solo puedo yo confiar, ¡oh! protégeme a mi En el turbulento mar; Hasta que la tempestad De la vida terrenal Cese con tranquilidad En el puerto celestial.

85

Cristo, fiel te quiero ser, Dame el poder , dame el poder: Ya contigo quiero andar, Sin vacilar , sin vacilar.

90

90

En tus pasos quiero seguir, cerca de ti, cerca de ti, y si encuentro pruebas aquí Dame confianza en ti. Con Jesús yo quiero hablar, Solo con el, solo con el: Paz y gozo yo tendré, Al serle fiel, al serle fiel. Dame ardiente corazón, Lleno de amor, lleno de amor; Y tu espíritu, Señor, Como guiador, como guiador. Cada día quiero cumplir Tu voluntad, tu voluntad, Y servirle a ti, Señor En humildad, en humildad.