Hand Outs Fil. 405 gxw

Pampamahalaang Kolehiyo ng Catanduanes KOLEHIYO NG EDUKASYON Virac, Catanduanes

Filipino 405 Paglinang ng Kurikulum at Paghahanda ng Kagamitang Pangkurikulum sa Filipino Paksa: Pagtataya ng Kurikulum 1. Layunin ng Pagtataya ng Kurikulum a. Intended Curriculum b. Implemented Curriculum c. Achieved Curriculum 2. Mga Krayterya ng Kurikulum a. Katangian ng Mabuting Kurikulum b. Palatandaan ng Mabuting Kirikulum

Ipinasa ni:

MARY JANE G. TANTEO MA-Filipino Education

Ipinasa kay:

SUSAN TINDUGAN Dalubguro

Pagtataya ng Kurikulum Layunin ng Kurikulum Ito ay ang proseso ng paglikom ng mga impormasyong/datos na gagamitin sa pag-ebalweyt. Ito ay mahalaga sa system approach para sa ikatatagumpay ng Kurikulum. Alinman na impormasyong na nakalap ay inaalisa para sa mhusay na pagpapasya.

Ang mga sumusunod na layunin ay nais matamo sa pagtasa ng Kurikulum: 1. Bigyan diin ang tunguhin ng Kurikulum. 2. Makakalap ng impormasyong kung ano ang alam at kayang gawin ng mag-aaral. 3. Maganyak ang mga mag-aaral na paghusayan lalo ang pag-aaral. 4. Maganyak at hikayatin ang mga pangangailangan (identified needs).

guro

na

matugunan

ang

5. Nakabibigay ng Katibayan na magsasabi kung paano natututo ang magaaral. 6. Makakuha ng puna na makatutulong sa mga guro, mag-aaral at magulang sa maayos na pagpapasya upang magabayan ang pagtuturo.

Ang Parameter ng Kurikulum 1. Binalak na Kurikulum (Intended Curriculum) Tumutukoy sa mga layunin na itinakda sa umpisa ng planong Kurikulum (Curriculum Plan). Itinatakda ang tunguhin, tiyak na plano at dagliang layunin na kailangang matamo. Ang binalak na Kurikulum ay sinasagot kung ano ang gusting gawin ng tagalikha ng Kurikulum. Mayroong tiyak na indicator upang masukat ang binalak na Kurikulum. Ilan sa mga indicator ay Inilahad sa paraang patanong. Ang mga halimbawa ng tanong ay ang mga sumusunod: 1. Ang layunin ba ay kayang makamit ng mga mag-aaral ayon sa kanilang kakayahang mental?

2. Ang layunin ba ay kayang matapos sa itinakdang oras? 3. Ang mga kagamitan ba ay sapat upang matamo ang mga layunin? 4. Ang layunin ba ay tiyak at malinaw?

5. Mayroon bang paraan upang masukat ang kinalabasan ng layunin? 6. Ang layunin ba ay namamasdan (Observable)? 7. Ang layunin ba ay nakakamtan (Doable)? 8. Ang layunin ba ay naaangkop (Relevant)? 9. Sa pangkalahatan ang layunin ba ay SMART?

2. Ipinapatupad na Kurikulum (Implemented Curriculum) Tumutukoy sa iba’t ibang gawaing pagkatuto o karanasan ng mag-aaral upang matamo ang inaasahang kalalabasan ng binalak na Kurikulum. Kadalasansa ating Kurikulum marami ang mga ipinapagawang gawain ngunit hindi natatamo ang itinakdang layunin nito.ang dami ng mga gawain ngunit hindi nakapaloobsa layunin.upang masukat ang Kurikulum na ito ang mga sumusunod na tanong ay magiging gabay. 1. Ang gawaingpampagkatuto ba ayon sa itinakdang layunin? 2. Ang kagamitan at metodo ba ay angkop sa layunin? 3. Ang guro ba ay may kakayahan na isagawa ang mga gawain at gumamit ng estratehiya? 4. Ang guro ba ay may kakayahang gumamit ng iba’t ibang gawain upang matugunan ang paraan ng pagkatuto ng mag-aaral ( learning styles )? 5. May alternibo bang gawain ngunit makakamit ang parehong layunin? 6. Mayroon bang gawain na inilaan sa mga mag-aaral upang matugunan ang pagkakaiba-iba ng mag-aaral (individual differences)? 7. Ang mga gawain ba ay nagbibigay ng mataas na karanasang pampagkatuto (Learning Experiences)? 8. Ang mga gawain ba ay nakagaganyak sa mag-aaral na lalo pang gumawa at linangin ang kanilang kakayahan? 9. Ang mga gawain ba ng mag-aaral ay lumilinang ng sensory abilities? 10. Ang mga gawain ba ng mag-aaral ay natutugunan ang multiple intelligence?

2. Natamong Kurikulum (Achieved Curriculum) Tumutukoy sa kinalabasan ng Kurikulum batay sa una at ikalawang uri ng Kurikulum. Itinuturing itong produkto. Ito ay maaaring kinalabasan ng pagkatuto tulad ng libro, modyul, o kagamitang pampagtalakay (instructional materials). Alinman sa natamong Kurikulum ay kailangang angkop sa layunin at mga gawain na isinasagawa. Nakapaloob dito ang pagganap katulad (vis a vis) ng layunin at iba’t ibang gawain. Ito ay kadalasang makikilala sa paggamit ng pagmarka ng pagsusulit (test score) o anuman na gamit ang ebalwasyon na

kagamitan (evaluation tools). Upang masukat ang natamong Kurikulum ang mga sumusunod na tanong ay magiging gabay: 1. Ang kinalabasan ba ng pagkatuto ng mag-aaral ay malapit sa itinakdang performans sa umpisa ng Kurikulum? 2. Ang kinalabasan ba ng pagkatuto na nakamit ay mataas o mababa sa itinakdang layunin? 3. Ang natamo ba ng kinalabasan ng pagkatuto ay makikita ang Kaalaman, kakayahan at pag-uugali na kailangang matamo? 4. Ilang porsyento ng mag-aaral sa parehong klase ang nakakuha ng mataas na lebel na itinakda sa umpisa pa lamang? 5. Ang kinalabasan ba ng Kurikulum ay nagre-reflect sa tunguhin, at minimithi ng komunidad na kung saan ang Kurikulum ay ipinapatupad?

Ang Pigura sa Ibaba ay Buod sa Relasyon ng Tatlong Uri ng Kurikulum:

Curriculum

INTENDED

IMPLEMENTED

ACHIEVED Figura 5-Ang Kaugnayan ng Tatlong Uri ng Kurikulum

Ang bawat uri ng Kurikulum y dapat iugnay sa isa’t isa. Anuman na puwang sa bawat linya ay hahantong sa paghina ng koneksyon ng bawat isa at makababalakid sa pagkamit ng pangkalahatang layunin ng Kurikulum.

Mga Krayterya ng Kurikulum A.

Katangian ng Mabuting Kurikulum

Ang isang mabuting Kurikulum ay kinakailangang magtaglay ng mga natatanging katangian upang matamo ang layunin ng edukasyon na siyang hangarin ng bawat paaralan. Ang mga nasabing mabuting katangian ay ang mga sumusunod: 1. Ang Kurikulum ay patuloy na isinusulong. 2. Ang Kurikulum ay nakabatay sa pangangailangan ng bawat mamamayan. 3. Ang Kurikulum ay kinakailangan ng malayang pag-iisip. 4. Ang Kurikulum ay resulta ng isang mahabang pagsusumikap. 5. Ang Kurikulum ay isang mabubusing at komplikadong detalye. 6. Ang Kurikulum ay nagbibigay ng lohikal na pagkakasunod-sunod ng mga paksang-aralin. 7. Ang Kurikulum ay nakikibahagi at tumutulong sa iba pang programa ng komunidad. 8. Ang Kurikulum ay may mataas na kalidad ng edukasyon. 9. Ang Kurikulum ay mayroong istrative flexibility.

B. Palatandaan ng isang Mabuting Kurikulum Narito ang ilang palatandaan ng isang mabuting Kurikulum na siyang maaaring maging batayang sa layuning Pagtataya na ibinigay ni J. Galen Saylor. 1. Ang isang mabuting Kurikulum ay may sinusunod na plano at Pagtataya. 2. Ang isang mabuting Kurikulum ay nagpapakita ng sapat na layunin ng isang paaralan. 3. Ang isang mabuting Kurikulum ay pinapanatili ang pantay na pagtingin sa lahat ng layunin ng paaralan. 4. Ang isang mabuting Kurikulum ay nagbibigay ng patuloy na karanasan. 5. Ang isang mabuting Kurikulum ay nagsasaayos ng oportunidad sa pagkatuto upang makaangkop sa isang partikular na pangyayari o indibidwal. 6. Ang isang mabuting Kurikulum ay gumagamit ng epektibong karanasang pampagkatuto at nakalaang kagamitan o resorses. 7. Ang isang mabuting Kurikulum ay gumagawa ng malaking probisyon para sa pag-unlad ng bawat mag-aaral.